خالد موشیر: ئینانا پیشهكاران رژدیه ل سهر ئارمانجا دهربازبوونێ
ئهڤرۆ،
د داخویانیهكێ دا سهرپهرشتێ تیما تهپا پێی یا یانا دهۆك بۆ رۆژناما ئهڤرۆ دیاركر پشتی ب دووماهی ئینانا گرێبهستا سێ یاریزانێن پیشهكار بۆ ناڤ رێزێن تیمێ و چهند یاریزانێن خودان شیان د خولێن ئیراقێ و كوردستانێ دا بهلگهیا وێ چهندێ یه كو ئهم رژدین ل سهر ئارمانجا خوه ئهوژی دهربازبوون بۆ پلا نایابا ئیراقێ خوه بهرههڤكرن بۆ ههردو یاریێن چارهنڤیس و ڤهبڕ ژ ڤاڤارتنێن دهربازبوونێ بۆ پلا نایابا ئیراقێ، ئهوا بڕیاره یاریا ئێكێ ل گهل یانا ناسریه ل باژێرێ بهغدا ئێكێ ههیڤا بهێت بكهت و سهركهفتی دێ یاریا دویێ و دهربازبوونێ ل گهل یانا ئهمانهت بهغدا ل ههشتێ ههمان ههیڤ ئهنجامدهت ژبۆ دهستنیشانكرنا پلێتا ئێكانه بۆ نایابا ئیراقێ.
زێدهتر خالد موشیر گۆت: ب فهرمی گرێبهستا ههرسێ یاریزانێن پیشهكار یێ كۆتیڤواری یانیك زاكری و ههردو یێن غانا پرێنس ئۆپۆكۆ و نۆرۆ سۆلۆ هاتیه ئیمزاكرن ل گهل دا چهند یاریزانێن خودان شیان و سهربۆر د ههردو خولێن كوردستانێ و ئیراقێ دا تا رادهیهكێ باش زاخا یاریزانا بلندبوویه كو ل دووڤ ئهو بهرنامه یێ كارگێریێ ژبۆ پشتهڤانیا تیما خوه و پلانێن راهێنانێ كو ئهم بهر ب ئارمانجا خوه بجین ئهوژی سهركهفتن د ههردو یاریێن ڤهبڕ دا و دهربازبوون بۆ پلا نایاب و ئهڤه هیڤی و ئۆمێدێن مهنه و رژدین و ل دووڤ شیانا ئهم كار بۆ بكهین و یاریێن ل ههولێرێ ئێك ژ تاقیكرن و بهرههڤیێن تیمێ بوو.
ناڤهاتی ئهوچهنده ژی دیاركر كارگێریا یانێ ههموو بزاڤ كرینه ل دووڤ شیانێن خوه یێن دارایی پێخهمهت تیما تهپا پێی باشترین شێوه بهێته بهرههڤكرن و بگههینه ئۆمێدا خوه و جهماوهرێ یانێ كو دوباره زلهێزا یانا دهۆك ڤهگهڕێته پلا نایاب و ئهم ب ئۆمێدین بۆ یاریێن بهێت دێ گههینه ئارمانجا خوه.
