ل شێلادزێ كهرنهڤالهك ب ههلكهفتا 16ی تهباخێ هاته ئهنجام دان
ئامێدیێ، مهحمود نهێلی:
ب ههلكهفتا 16ی تهباخێ سالرۆژا دامهزراندنا پارتی دیموكراتی كوردستان و ب بهرههڤبوونا ههژمارهكا بهرپرسێن حزبی و حكومی و خهلكێ دهڤهرێ، دوهی 21/8/2022 ناڤهندا بلند یا لاوێن ئامێدیێ و ناڤهندا گولان یا پێگههاندنا لاوان ل شێلادزێ رابوون ب سازكرنا كهرنهڤالهكێ یاریێن ئاڤێ ل سهر رووبارێ روویێ شین ل سنوورێ ناوچهداریا شێلادزێ.
موراد محهمهد، بهرپرسێ راگههاندنا ناڤهندا بالا یا لاوێن ئامێدیێ بۆ رۆژناما ئهڤرۆ دیار كر، وان وهك ناڤهندا بالا یا لاوان ل ئامێدیێ و ناڤهندا چالاكی و پێگههاندنا لاوێن گولان ب ههلكهفتا 16ی تهباخێ، رابووینه ب سازكرنا كهرنهڤالهكێ یاریێن ئاڤێ ل شێلادزێ و گۆت: “ئهڤ كهرنهڤاله ژ یاریێن مهلهڤانیا و بهریكانا بهلهما و خوه هاڤێتن ل سهر پرا ئاسنی و مهلهڤانیكرن دبن ئاڤێ دا پێك دهێت”.
گۆتژی: “ژ بۆ پاراستنا گیانێ پشكداربوویان مه پێرابوونێن خوه وهرگرتینه و مه تیمێن نقۆمڤانا ئامادهكرینه بۆ ههر روودانهكا نهخواستی”.
