ئهڤ ساله نهخۆشیهكا چاندنێ بهرههمێ هژیرا ئاكرێ كێمكریه
ئهڤرۆ، رهمهزان زهكهریا
ل سنوورێ دهڤهرداریا ئاكرێ و ناوچهداریێن وێ سالانه ل ههیڤا تهمووزێ و تهباخێ بهرههمێ هژیرا دگههیتی و خواستهكا زۆر ل سهر هژیرا ئاكرێ ههیه، بهلێ ئهڤساله ل دهستپێكا پێگههشتنا بهرههمێ هژیرا نهخۆشیهكا چاندنێ تووشی بهرههمێ هژیرا بوویه و بهرههم كێمكریه.
حازم عهلی، جوتیارهكێ دهڤهرا ئاكرێ یه بۆ ئهڤرۆ گۆت: سالانه ل ههیڤا تهمووز و تهباخێ بهرههمێ هژیرا دگههیتێ ژبلی نافخۆیا ئاكرێ هژیرا بجیل و دهڤهرێن دی ژی گهلهك یا باشه و خواستهكا زۆر لسهر ههیه بهلێ هندهك سالانه هژیر یا كێمه و ئهڤساله ژی بهریا بهرههم ب دروستی بگههیتێ نهخۆشیهكا چاندنێ بهرههم كێمكریه وهك سالێن بووری یا زۆر نینه ژبلی كو باغێن هژیرا سال بۆ سالێ زێدهتر دبن ژلایێ جوتیارێن دهڤهرێ.
خویا ژی كر، ههموو سالان بهرههمێ هژیرا ئاكرێ و بجیل دچیته پارێزگههێن ههولێر و دهۆك و سلێمانی و ناڤهراست و باشوورێ ئیراقێ ئهڤساله بهایێ وێ یێ گرانه و بهرههم ژی یێ كێمه و گهشتیارا ژی بازار خۆش كریه تایبهت ئهوێن ل ناڤهراستا ئیراقێ سهرهدانا جهێن گوزاریێن دهڤهرێ دكهن سهرهرای ئهڤ ساله بهریا پێگههشتنا بهرههمێ هژیرا تووشی نهخۆشیهكا چاندنێ بوو، ئهڤه ژی بۆ ئهگهر بهرههمێ هژیرا كێمتر بیت ل سالێن بووری و شارهزایێن چاندنێ ژی ئهگهرێ ڤان جۆره نهخۆشیا بۆ گوهۆرینا كهشوههوای دزڤرینن ل دهڤهرێ.
