سلێمان رهمهزان: یاریێن ڤهبڕ دیاریهكه دێ بزاڤێ كهین ژ دهست نهدهین
ئهڤرۆ،
چاڤهڕێ دهێته كرن ل شهمبیا بهێت تیما تهپا پێی یا یانا دهۆك بهر ب باژێرێ بهغدا بڕێكهڤیت بهڕی دیدارێن چاڤهڕێكری و ڤهبڕ ژ ڤاڤارتنێن دهربازبوونێ بۆ پلا نایابا ئیراقێ ئهوا بڕیاره یاریا ئێكێ ل گهل یانا ناسریه ل باژێرێ بهغدا ئێكێ ههیڤا بهێت بكهت و سهركهفتی دێ یاریا دویێ و دهربازبوونێ ل گهل یانا ئهمانهت بهغدا ل ههشتێ ههمان ههیڤ ئهنجامدهت ژبۆ دهستنیشانكرنا پلێتا ئێكانه بۆ نایابا ئیراقێ.
لدۆر دووماهی بهرههڤی و ئارمانجا وان سلێمان رهمهزان راهێنهرێ تیما یانا دهۆك بۆ رۆژناما ئهڤرۆ گۆت:ههرچهنده بهرههڤیێن مه د دهمهكێ گۆنجایی دا نه هاتنه كرن ئهوژی ژبهر ئهگهڕێ گیرۆبوونا بڕیارا ئێكهتیا تهپا پێی یا ئیراقێ ل سهر شێوازێ ئهنجامدانا خولێن پلا نایاب و ئێك كو تیما مه دناڤبهرا ههردو خولان دا هاتبوو ههلاویستن لهورا چاڤهڕێ بووین و نهشیاین چو پێنگاڤا پاڤێژین لێ پشتی بڕیار هاتیه دهڕكرن ههرزوو مه دهست ب دانانا پلان و نهخشهیێ خوه كر بۆ ههردو یاریێن ڤهبڕ سهرباری دهم یێ كێم بوو و پرۆسێسا ئینانا یاریزانان ب سانههی نهبوون بهلكو دهم پێ دڤیا و ههتا بهری چهند رۆژهكا ژ نوو پێشهكار هاتینه و نهشیاین چو كهمپێن راهێنانێ ل دهرڤه ب دانین، لهورا بارگرانیهك كهفته سهر بهرههڤیان و نێزكبوونا یاریزانان دهم پێ دڤێت، لێ ئهم شیاین تا رادهیهكی ل دووڤ پلانێن خوه گوهۆڕینهكا باش پهیدابكهین پێخهمهت باشترین بهرههڤی.
ژلایهكێ دووڤه ناڤهاتی دیاركر ههرچهنده ئهركێ وان ب سانههی نابیت د یاریێن ڤهبڕ دا ژبهركو ئهو ئهگهرێن مه دیاركرین و ههمبهری وێ یانا ئهمانهت بهغدا ئهوا ل پلا نایاب بوو گهلهك دوورنهكهفتیه ژ ههڤڕكیان و پێكهاتیێ وێ نههاتیه گوهۆرین وهكو تیما مه رێژهكا مهزن یا یاریزانێن نوو هاتینه دناڤ تیمێ دا و ئهو یاریزانێن مه یێن وهرزێ بوری نێزیكی چار ههیڤ بوون دروونشتی.
بۆ بهرههڤیێن ههردو یاریان ژی گۆت: پێنهڤێت دێ بۆ سهركهفتنێ و ئارمانجا دهربازبوونێ چینه بهغدا و ئهو ههردو یاریێن ڤهبڕ وهكو دیاریهكه بۆ تیما دهۆكێ هاتین و بزاڤێن مهزن كهین دهستخوهڤه بینن لێ ههكه دهست مه ڤهژی نههات بێ گۆمان دێ بیته باشترین تاقیكرن و بهرههڤی بۆ خولا پلا ئێك و مه هزر د ههڤڕكیێن وێ ژی دا كریه.
