75% ژ بكرێن پهرۆكێن جلكێن كوردی یێن زهلامان گهنجن
ئهڤرۆ، ههرهین محهمهد:
جلكێن كوردی ئارامی و جوانی و تایبهتمهندیهكا تایبهت ههیه ل دهڤ مه كوردان ب تایبهت ل ههلكهفت و شههیانان ل دور ڤی بابهتی ژی خودانێ جههكێ پهرۆكێن زهلامان دبێژیت: كارێ مه ب تنێ وهرزهكی ههیه و ژبهر بلندبوونا بهایێ دولاری و گرانبوونا پهرۆكی گهلهك كێم دهێن دكرن.
سالح عهلی ئهرزی، خودانێ جهێ رۆژان یێ فرۆتنا پهروكێن كوردی یێن زهلامال ل قهیسهریا كهڤن ل بازارێ دهۆكێ گۆت: گهلهك جۆرێن پهروكی ههنه وهكو یێ توركی و هندی و دوبهی وئیرانی و ئیتالی هتد، بهلێ گهلهك خوهش سیلكا و كهشمیر دهێته فرۆتن و خهلكێ مه وان دكرن و قوماشێ ئیتالی ب ناڤێ سولتان ژ ههموویان گرانتره، ڤی قوماشی ژی كهسێن بهرنیاس دكرن و نوكه باراپتر دانعهمر دهێن پهرۆكی دكرن ژ گهنجان و ب تنێ ههكه ههلكهفت بن و دبیت ل وی دهمی ژی بچن بخوه كرێ بكهن.
عهبدولجهبار ئهحمهد، خودانێ جهێ شێخ عهبدولجهبار دبێژیت: نوكه چو ههلكهفت نینن ههكه كار ههبیت 75% گهنج بكرن و قوماشێ سیلكا و ئیتالی نوكه د بازاری دا دگرانن و نمره ئێكن، بهلێ ل گهل بلندبوونا بهایێ دولاری پهرۆك ژی گران بووینه و بكر كێم دكرن. بهلێ د بازارێ مه دا چو دوكان نههاتیه گرتن ژبهر نهبووا كاری.
عهدنان ئهحمهد، ماموستایێ زانكۆیا دهۆك بسپور د وارێ ئابوری دا خوهیاكر، كهلتۆرێ جلكێن كوردی دناڤ مه دا یێ كێمه و ههكه بهرێ خوه بدهینه دهولهتێن عهرهبی شانازیێ ب كهلتۆرو جلكێن خوه دبهن و گۆت: گهنجێ مه گهلهك حهز ژ جوانیێ دكهت ب تایبهت ل دهواتان حهز دكهت ل دهواتان جلكێن خوه ب گوهۆریت و دبیت ژبهر گرانیا بهایێ پهرۆكی و دروارێ گهنج وان گوهورینا ب خوه ڤه نهبینیت، ژ بهر كو گهنجێ مه ب تنێ ل ههلكهفتان جلكێن كوردی دكهته بهرخوه، لهورا دبیت نهكریت و ب تنێ بۆ وێ رۆژێ كرێ بكهت.
