ههژمارهكا ئافرهتان ل دێرهلۆكێ دهست ب پڕۆژهیێن چاندنێ كریه
ئامێدیێ، مهحمود نهێلی:
ههژمارهكا ئافرهتان ل سنوورێ ناوچهداریا دێرهلۆكێ دهست ب پڕۆژێن چاندنێ كریه و ژ بۆ پتر گرنگی دان ب ڤی كهرتی، ب تایبهت بۆ ئافرهتان خولهكا فێركرنا چاندنێ بۆ هاته ڤهكرن.
ژڤان محهمهد تاهر، بهرپرسا ناڤهندا دێرهلۆكێ یا ئێكهتیا ئافرهتێن كوردستانێ بۆ رۆژناما ئهڤرۆ دیار كر، ههژمارهكا ئافرهتان د خولهكا فێركرنا چاندنێ دا فێری چاوانیا چاندنا شتلان و قهلهمان و سهخبێركرنا رووهكی دهێنه كرن و گۆت: “ئهڤ خوله ژ لایێ ناڤهندا ئافرهتێن دێرهلۆكێ ب ههڤكاریا دهزگههێ خێرخوازیێ بارزانی نوونهراتیا ئامێدیێ ل هولا شیرهتكاریا چاندنا دێرهلۆكێ هاتبوو ڤهكرن.
گۆتژی: “23 ئافرهتان پشكداری د خولێ دا كربوو بهشدار ببوون هاتنه فێركرن ل سهر چاندنا شتلێن داران و چاوانیا پاراستن و سهخبێركرنا بهرههمێن چاندنێ و چاوانیا ئاڤدانێ و چهندین بابهتێن دی هاتنه فێركرن”.
ژڤان خانێ ئاشكرا ژی كر، د ڤان سالێن دووماهیێ دا ل سنوورێ ناوچهداریا دێرهلۆكێ ههژمارهكا ئافرهتان دهست ب چاندن و رێڤهبرنا پڕۆژێن چاندنێ كریه و ب ڤێ یهكی ژی دهلیڤێن كاری بۆ ئافرهتان پتر هاتینه رهخساندن.
