د.فهرمان یوسف: داخوازێ ژ پارێزگارێ دهۆكێ دكهم پشتهڤانیا یانا سێمێلێ ژی بكهت
ئهڤرۆ، سالار محهمهد دۆسكی:
وهرزشڤانێ دێرینێ یانا سێمێلێ خواست پارێزگهرێ دهۆكێ زێدهتر پشتهڤانیێَ ل كارگێریا نوو یا یانا سێمێلێ بكهت كو یاریگههێن نوو ل دهڤهرێ بهێنه دروستكرن و سێمێل ب كانیا یاریزانا دا نیاسین ل پارێزگهها دهۆك.
زێدهتر د. فهرمان یوسف بۆ رۆژناما ئهڤرۆ گۆت: یانا سێمێل پێدڤی ب پشتهڤانیا حوكمهتا ههرێما كوردستانێ و پارێزگارێ دهۆكێ یه و فهرمانگههێن میری یه، زێدهتر پووتهیی ب گهنجان بهێـتهدان ل تیمێن مللی، سێمێل كانیا یاریزانایه بۆ پارێزگههێ ل سالێن حهفتێ و ههتا نوكه و كارگێریا یانێ پێدڤی پشتهڤانیێ یه و سێمێل پێدڤی ب یاریگههانه پێخهمهت باژێر زووتر پێش بكهڤیت و یاریگههێن مهزن بهێنه دورستكرن.
ههروهسان ناڤهاتی گۆت: زێدهتر جوگرافیا سێمێلێ كارتێكرن ل سهر یاریزانا كریه چونكو دهۆك و سێمێل بووینه ئێك باژێر و یاریزانێن باش نامینن و پێدڤی یه تشتهك بهێـته كرن بۆ كارگێریا یانا سێمێل و راهێنهر بهێته دهست نیشانكرن و پلانهكا باش ههبیت دا رۆلهكێ باش ل كوردستانێ بگێریت و داخوازێ ژ پارێزگارێ دهۆك دكهم سێمێلێ ژی وهك یانا دهۆك و زاخۆ پشتهڤانیێ لێ بكهت.
ههمان وهرزشڤانێ دێرین گۆت: گهشبینین پشتهڤانیا حوكمهت و پارێزگارێ دهۆك و ههموو خهلكێ دهڤهرێ ل نێزیك سێمێَل دێ بیته ئێك ژ یانێن ههره باش ل دهڤهرێ و گۆت: ئهكادیمیا سێمێلێ چهند سالێن بهێت دێ یاریزانێن باش بهرههمئینت و یاریزانێن سێمێلی گههشتینه ئاستێ ئیراقێ و دهرڤه.
