ئهڤ ساله دهست ب راكێشانا سیستهمێ غازێ بۆ مالان دێ هێته كرن
ههولێر، قائید میرۆ:
سهرۆكێ دهستهیا وهبهرهێنانێ ئاشكرا كر، ژ بۆی بجهئینانا پڕۆژێ بهلاڤكرنا غازێ ههژمارهك عمبارێن بهلاڤكرنا غازێ دێ هێنه چێكرن و دبێژیت: ب چهندقووناغهكان دێ حوكمهت غازێ گههینیته مالێن وهلاتیان.
دكتۆر محهمهد شوكری، سهرۆكێ دهستهیا وهبهرهێنانێ بۆ رۆژناما ئهڤرۆ دیار كر، ب رێیا ههژمارهكا پڕۆژان دێ غاز گههیته مالێن وهلاتیان و ل ههموو پارێزگهه و ئیدارهیێن سهربخوه ههژمارهكا عمبارێن غازی دێ هێنه چێكرن و گۆت: “مینا وهلاتێن پێشكهفتی دێ غازێ گههینینه وهلاتیان، ب تنێ رێیا ئێك پڕۆژهی ناهێته بجهئینان بهروڤاژی سیستهمێ گههاندنا غازێ دێ چهند پڕۆژه بن و ژ لایێ كۆمپانیێن ناڤخوه و بیانی ڤه دێ هێنه بجهئینان”.
دكتۆر محهمهد شوكری گۆتژی: “ل دهستپێكێ دێ بزاڤان كهین ئهرد بۆ عمبارێن غازێ بهێته دیاركرن و د قووناغێن دووڤ دا كار ل سهر راكێشانا بۆڕیێن غازێ دێ هێته كرن، چونكی پارهیهكێ زۆر و دهمهكێ درێ پێدڤیه بۆ بجهئینا راكێشا ناسیستهمێ غازێ، بهلێ ههر ئهڤ ساله دێ دهست ب پڕۆژهی كهین، وهلاتی پارهی بۆ راكێشانا غازێ نادهین، ب تنێ دێ پارهی ل گورهی ب كارئینانێ دهن”.
