پارێزگه‌ها دهۆكێ دێ قاره‌مانیا باسكێت بۆلا ئیراقێ مێڤان كه‌ن
ئه‌ڤرۆ، قه‌یس وه‌یس
چاڤه‌ڕێ دهێته كرن ل ده‌ستپێكا حه‌فتیا بهێت هه‌ردو باژێرێن دهۆك و ئیدارا سه‌ربه‌خۆیا زاخۆ مێڤانداریا قاره‌مانیا ئیراقێ ل سه‌ر ئاستێ كچان بكه‌ن.
حسێن ئه‌لعمێدی سه‌رۆكێ ئێكه‌تیا باسكێت بۆلا ئیراقێ بۆ رۆژناما ئه‌ڤرۆ گۆت: ل دووڤ نه‌خشێ سالانه یێ ئێكه‌تیا مه بڕیاره ل 25ێ ڤێ هه‌یڤێ پارێزگه‌ها دهۆكێ مێڤانداریا قاره‌مان باسكێت بۆلا كچان بكه‌ن ئه‌وا دهێته پێشبینیكرن زێده‌تری هه‌شت یانێن ئیراقێ پشكداربن لێ ژڤانێ دووماهیێ یێ ده‌ستنیشانكرنا یانێن پشكدار هه‌تا سوبه‌هی یه و شێواز و سیسته‌مێ قاره‌مانیێ دێ هێته دیاركرن ل دووڤ رێژا پشكدارن.
هه‌روه‌سان ناڤهاتی ئه‌وچه‌نده ژی دیاركر ل دووڤ شێوازێ قاره‌مانیێ دبیت ل دو جهان بهێته كرن هه‌كه چو گوهۆڕین په‌یدا نه‌بوون ئه‌وژی ل هۆلا گرتیا یانا زاخۆ و یاریێن دووماهیێ ل هۆلا گرتیا یانا سه‌نحاریب بهێنه ئه‌نجامدان و ئه‌ڤچه‌نده ژی ئێكلا نه‌بووینه و گۆت: هه‌رده‌مێ قاره‌مانی ل پارێزگه‌ها دهۆكێ دهێنه كرن یێن سه‌ركه‌فتی بوون ژبه‌ر هه‌بوونا خالێن نه‌رێنی و پشته‌ڤانیا لایه‌نێن حوكمه‌تێ و یانێن پارێزگه‌هێ.
