بلند شه‌فیق: زاخۆ به‌رهه‌ڤه بۆ پێشوازیكرنا قاره‌مانیێ
ئه‌ڤرۆ، زاخۆ، عه‌لی حاجی:
د داخویانیه‌كێ دا سه‌رۆكێ یانا زاخۆ یا وه‌رزشی دیاركر ئه‌و به‌رهه‌ڤن بۆ پێشوازیكرنا هه‌ر قاره‌مانیه‌كا یاریا باسكێت بۆلێ و دڤێت ژی بهێته ئه‌نجامدان ژبه‌ركو زاخۆ خودان جه‌ماوه‌ره‌كێ مه‌زن و پشته‌ڤان هه‌نه بۆ وه‌رزشێ.
زێده‌تر بلند شه‌فیق گۆت: ئێكه‌تیا باسكێت بۆلا ئیراقێ په‌یوه‌ندی ب وان كریه كو چه‌ند یاری ژ چارچووڤێ قاره‌مانیا ئیراقێ ل سه‌ر ئاستێ كچان دێ ل سنۆرێ ئیدارا سه‌ربه‌خۆیا زاخۆ بن، له‌وما مه به‌رهه‌ڤیێن باش هه‌نه ژبۆ پێشوازیكرنێ و گه‌شبینم دێ ب شێوه‌كێ باش بڕێڤه‌چیت و دێ ل گه‌ل دا هاریكاربین بۆ سه‌ركه‌فتنا قاره‌مانیێ و هاتنا ڤێ قاره‌مانیێ بۆ باژێرێ زاخۆ ب پێنگاڤه‌كا باش دبینن ژبه‌ركو یاریگه‌هێن مه د گۆنجاینه و ئێك ژ باشترین یاریگه‌هێن ل سه‌ر ئاستێ ئیراقێ نه زێده‌باری ل باژێرێ مه ناڤ وده‌نگیا جه‌ماوه‌رێ وه‌رزشی و پشته‌ڤانیا وان بۆ هه‌ر قاره‌مانیه‌كێ دێ بیته خاله‌كا گرنتر بۆ سه‌ركه‌فتنا ڤێ قاره‌مانیێ و جوانیه‌كا دی ده‌ته هه‌ڤڕكیێن قاره‌مانیێ.
ژلایه‌كێ دووڤه ناڤهاتی ئه‌وچه‌نده ژی دیاركر ژ روویێ ئابۆری ڤه دێ پێنگاڤه‌كا دی یا باش بیت تایبه‌ت بۆ ڤه‌حه‌واندنا شاندێن پشكدار د ئۆتێل و كاركرنا خارنگه‌ه و گۆزاریا باژێرێ زاخۆ، یا دشیان دا بیت دێ بۆ سه‌ركه‌فتنا ڤێ قاره‌مانیێ كه‌ین.
