ئێكه‌تیا ئاسیا هۆشداری دا یانێن ئیراقێ
ئه‌ڤرۆ،
ئێكه‌تیا ته‌پا پێی یا ئاسیا لایه‌نێ ئیراقی ئاگه‌هداكریه دڤێت زووترین ده‌م دا بابه‌تێ رێپێدانێ یا مۆله‌تا یانێن پشكدار د خولا پلا نایاب یا ئیراقێ دا ب دووماهی بینت و هه‌ر رێنمایه‌كا هاتیه ده‌ستنیشانكرن دڤێت بجه بینن هه‌كه‌ر نه ئه‌و نابیت پشكداری خولێ بكه‌ت.
ل دووڤ راگه‌هاندنا ئیراقێ كو ئێكه‌تیا ئاسیا هۆشداری دا یه یانێن مینا، به‌غدا و سامرا هه‌كه‌ر هه‌تا دووماهیا ڤێ حه‌فتنیێ رێنمایا ب جه نه‌ئینن نابیت پشكداری خولا نایاب بن، هه‌روه‌سان دڤێت یانێن دهۆك، ته‌له‌به، نه‌جه‌ف، دیوانیه و جه‌ویه ئه‌وان قه‌ڕا بده‌ن یێن ژلایێ راهێنه‌ر و یاریزانان ڤه سكالا ل سه‌ر هاتینه تۆماركرن.
ژلایێ خوه‌ڤه لژنا رێپێدانێ ل ئێكه‌تیا ته‌پا پێی یا ئیراقێ ماوه‌كێ درێژه كار ل سه‌ر بجه ئینانا رێنمایان كرینه و چه‌ند یانا كارێ خوه ب دووماهی ئیناینه و چه‌ند ماینه، دیسان یانا دهۆك ژی هاتیه ئاگه‌هداركرن به‌ری پشكداری وه‌رزێ نوو یێ خولا پلا نایاب بن باده‌كا خوه یا رێپێدانی ب دووماهی بینن ب سیسته‌مێ نوو پشتی موله‌تا ژڤانێ دووماهیێ بوو درێژكری ژبه‌ركو ڤه‌گه‌ڕیانا وان بۆ نایاب به‌ری حه‌فتیه‌كێ بوو.
