زیاد ئه‌حمه‌د: بۆ خاترا دهۆكێ من گرێبه‌ستا یانه‌یێن به‌غدایی ڕه‌دكرن
ئه‌ڤرۆ،
د دیداره‌كێ دا هێرشبه‌رێ نوو یێ تیما ته‌پا پێی یا یانا دهۆك دیاركر ئه‌و كه‌یفخووشه ڤه‌گه‌ڕیایه یانا خوه یا دایك و بۆ خاترا وێ گرێبه‌ستا یانه‌یێن به‌غدایی ڕه‌دكربوون.
زێده‌تر زیاد ئه‌حمه‌د گۆت: پێنه‌ڤێت هه‌ر یاریزانه‌كێ پارێزگه‌هێ بیت یان ده‌رڤه حه‌ز دكه‌ت یاریێ بۆ یانا دهۆكێ بكه‌ت ژبه‌ركو ئێك ژ مه‌زنه یانێن ئیراقێ یه و خودان ده‌ستكه‌فت و جه‌ماوه‌ره‌كێ مه‌زنه له‌وما وه‌كو یاریزانه‌كێ پارێزگه‌هێ و به‌ری نوكه ژی یاریزانێ یانێ بووم من پێخووشه دۆباره ڤه‌گه‌ڕیایمه یانا دایك سه‌رباری چه‌ند یانه‌یێن به‌غدایی هه‌تا دووماهی چڕكه ل گه‌ل من بوون ژبۆ ئیمزاكرنا گرێبه‌ستا وان، لێ دێ یێ ئارام بم ده‌مێ یاریێ بۆ دهۆكێ دكه‌م و ل شوونا سه‌ده‌هان كیلۆمه‌ترا ببڕم بۆ یانا به‌غدایی ئه‌ڤه دێ د ناڤ باژێرێ خوه دابم و نێزیكی خێزانا خوه و یا گرنتر ل گه‌ل یانا دهۆك ئه‌وا بوویمه ئێكه‌م یاریزانێ پارێزگه‌هێ یاری بۆ یانه‌كا ئیراقی بكه‌م.
هه‌روه‌سا ناڤهاتی ئه‌وچه‌نده ژی دیاركر بۆ وه‌رزێ نوو یێ خولا پلا نایاب چه‌ند پێنگاڤێن باش هه‌نه ب هیڤییا وێ یه‌كێ جه‌ماوه‌ر هه‌تا دووماهی چڕكه ل گه‌ل مه بیت و پشته‌ڤانبن و باوه‌ری دامه دێ كارتیكرنا خوه یا ئه‌رێنی و سه‌ركه‌فتنێ بۆ تیما مه بن و گۆت: سۆزێ د ده‌م ب هه‌موو شیانێن خوه وه‌كو ئێك ژ هێرشبه‌رێن خودان شیان به‌رده‌وام بزاڤا ل گه‌ل هه‌ڤالێن خوه بۆ تۆماركرنا گۆلان بكه‌م و بیته ئه‌گه‌ر ده‌رگه‌هێ هه‌لبژارتیێ ئیراقێ ژی ڤه‌بیت.
