د ههشت ههیڤێن بووری دا نێزیكی 4 ملیون گهشتیارا سهرهدانا ههرێما كوردستانێ كریه
فهرمانگهها میدیا و زانیاریان یا حوكمهتا ههرێما كوردستانێ بهلاڤكریه كو دهستهیا گشتی یا گهشت و گوزارێ ل ههرێما كوردستانێ ئامارا وان گهشتیارا دایه بهرچاڤ ئهوێن د ماوێ ئهڤ ساله دا ئانكو ل 1 ی كانوونا دوێ 2022 ههتا 1ی ئابا 2022 هاتینه ههرێما كوردستانێ ب مهرهمێن گهشتیاری.
سێكتهرێ گهشتیاری ژ وان سێكتهرانه یێن كو رۆلهكێ كاریگهر د وهرارا ئابۆرێدا ههی، لهورا كابینا نههێ یا حوكمهتا ههرێما كوردستانێ دیتنهكا جودا بۆ ڤی كهرتی یا ههی و ژ كارێن خوه یێن دهستپێكی دزانین كو گرنگیێ پێ بدهت كو ژ لایهكی ڤه داهاتهكی بۆ ههرێمێ بهردهست دكهت و ژ لایهكێ دیڤه دبیته ئهگهر جهـ و دیرۆكا كوردستانێ پێ دهیًَته نیاسین.
لدووڤ ئاماران ل دهستپێكا ئهڤ ساله ههتا دهستپێكا ههیڤا ئابێ 3 ملیون و 779 هزار و 665 گهشتیار هاتینه ههرێما كوردستانێ ب مهرهما گهشت كرنێ. دهستهیا ناڤبری دیاركریه كو 85% ژ گهشتیارا خهلكێ ناڤهراست و باشۆرێ ئیراقێ بووینه و 15% گهشتیارێن بیانی نه كو ژ وهلاتێن دی قهستا ههرێمێ كریه.
بهرنامێ حوكمهتا ههرێما كوردستانێ ئهوه كو د پاشهرۆژێ دا كهرتێ گهشتیاری پتر جوراوجور بكهت و پتر گرنگیێ پێ بدهت داكو پتر بالا گهشتیارا بكێشیت، بتایبهت گهشتیارێن بیانی.
ههر بۆ ڤێ مهرهمێ ئهنجومهنێ وهزیران ل ناڤهراستا ئهڤ ساله كومبوونهكا تایبهت لسهر بابهتێ گهشت و گوزارێ و ئهو بهرهنگاریێن دكهڤنه دڤی بواری دا گهنگهشهكرن و لدووڤ راسپاردێن سهرۆكێ حوكهتا ههرێما كوردستانێ پلانهكا ههشت سالی یا بۆ سێكتهرێ گهشتیاری هاتیه دانان ژ لایێ دهسته و فهرمانگههێن تایبهت ، بۆنموونه دورستكرنا جهـ و پێدڤیێن گهشتیاری وهكی تێلفریك و پارك و تاوهریًن گهشتیاری و ڤهكرنا جهێن كهلتوری و چێكرنا كومهلگههێن وهرزشی و ئهكواریوما و باخچێن گیانهوهران و هۆلێن سینهمایی و كونفرانس و پیشانگههان و چهندین بابهتێن دی یێن بڤی رهنگی كو ببنه ئهگهر بۆ پێشڤهبرنا كهرتێ گهشتیاری.
لدووڤ ئامارا دهستهیا گهشت و گوزارێ، نێزیكی 3 هزار بنگههـ و جهێن گهشتیاری یێن ل ههرێما كوردستانێ ههین كو خزمهت و چالاكیێن جوداجودا پێشكێشی گهشتیاران دكهن ، دیار ژی كر كو ژبهر ههبوونا سهقایهكێ لبار و جهـ و هاڤینگهها گهشتیاریا هاڤینێ یاههی و ژ بهر ههبوونا بهفر و جهێن تایبهت ب گهشتێن زڤستانێ ڤه گهشتیاریا زڤستانێ ژی یا ههی.
