100 هزار دار دێ ل ناڤهندێن جادێن دهۆكێ هێنه چاندن
ئهڤرۆ، ههرهین محهمهد:
رێڤهبهرێ ئهندازهیا پاركان ل دهۆكێ دیار كر، ههشت پارك ل پارێزگهها دهۆكێ ههنه و چار پارك ژ وان د سهرهكی نه، ئێك ژ وان ژی پاركا تهحسین تاهای یه و دیسان ئهو بهردهوم چاڤدێریا پاركان و ناڤهندێن جادان دكهن ژلایێ چاندن و ئاڤدانێ و پاقژكرنێ و بۆ وهرزێ پایزێ نێزیكی 100 هزار نهمام دێ ل ناڤهندێن جادێن گشتی هێنه چاندن.
كاروان سالح عهبدوللا، رێڤهبهرێ ئهندازهیا پاركان ل پارێزگهها دهۆكێ گۆت: كارێ مه یێ سهرهكی سهخبێركرنا كهسكاتیێ یه ل سهنتهرێ باژێرێ دهۆكێ و جێبهجێكرنا پرۆژان و نوكه وهرزێ هاڤینێ هێدی هێدی یێ ب دووماهی دهێت و ئهم یێ بهر ب وهرزێ پایزێ ڤه دچین و ل ڤێرێ ل دهڤ مه وهرزێ كاری دهستپێ دكهت وهكو چاندن و كهزاخ و ئادهكرن و رهشاندن و سهماد و سالانه ل ههر وهرزهكی ل ناڤهندێن جادا ئهم گولان دچینن و ڤی وهرزی ژی گولێن هاڤینێ بهرب نهمانێ دچن و بۆ ڤی وهرزی نێزیكی 100 هزار نهمامێن گولان دێ ل ناڤهندێن جادا و پاركان دێ هێنه چاندن.
زێدهتر گۆت: ئهڤ ساله مه گهلهك ئاریشا ئاڤێ ههبوویه و ب شێوهكێ گشتی ئاڤدانا باخچێن مه ل سهر ئاڤا مالایه و گهلهك مالان ژی ماتۆر بۆ خوه داناینه سهر و ئاڤ كێم دبیت و مه خهزان ههیه، بهلێ ئهو ئاڤه تێرا مه ناكهت.
ناڤهاتی زێدهتر ژی گۆت: ب شێوهكێ گشتی ههتا دورێن ههشت پاركان، یێن سهرهكی و دیار خهلك لێ خرڤه دبن پاركا بارزانی و ئازادی و تهحسین تاهای و دلشاد محهمهد سهعید، بهلێ پاركا بارزانی و یا ئازادی ههردوكان گرێبهست ل سهرن و داینه ڤ وهبهرهێنهرهكی ئهو سهخبێریا وان دكهت و ب تنێ ئهم سهرپهرشتیێ ل سهر دكهین و پاركا دلشاد محهمهد سهعید و یا تهحسین تاهای ئهم سهخبێریا وێ دكهین.
رێڤهبهرێ ئهندازهیا پاركان ئهو چهنده ژی گۆت: مه گهلهك كێشه و ئاریشه ل رێڤهریا خوه ههنه وهكو نهبوونا كارهبا گشتی دناڤ كارێ مهدا و كارهبا رێڤهبهریا مه ژی ل گهل یا مالایه و ئهڤ چهنده ژی دبیته ئاریشه د كارێ مه دا و ئاڤا مه ئاڤا بیر تهوازیایه، ههتا ئاڤێ دكێشت كارب پێ دڤێت و بیر ئاڤێ ددهته خهزانێ و خهزان ژی ڤهدگوهێزیته سهر جادێ، ڤان تشتان ههموویان كارب پێ دڤێت و دیسان رۆژ بۆ رۆژێ كهسكاتیێ مه یێ بهرفرههـ دبیت و ل دووڤ ڤێ بهرفرههبوونێ ژێ مه كادر و بۆدجه و زێرهڤان دڤێن و ئهڤ تشته ژی زوو ب زوو ل بهردهستێن مه ناكهڤن.
ئهو ژی دیار كر، ئهو بودجا ل بهردهستێ مه نه ل ئاستێ پێدڤیه و ههكه ب شێوهكێ دی بێژم نه ل دووڤ وان حهزایه یێن رۆژانه وهلاتی سهرهدانا مه دكهن و دبیت حكومهتێ ژی هزر د ڤێ چهندێ دا كربیت چهند كهسكاتی بهێته زێدهكرن دڤێت كادر ژی بهێته زێدهكرن و دبیت دڤان كاودانان دا دشیانێن حكومهتێ دا نهبیت.
