ل دهوكێ پتـر ژ هـزار پـارچه‌یـێن میـن و ته‌قه‌مه‌نیان هاتنه ژ ناڤبرن
ئه‌ڤرۆ، مه‌حمود نهێلی:
رێڤه‌به‌ریا كاروبارێن مینان ل دهوكێ د حه‌فتیا په‌قینان دا پتر ژ هزار پارچه‌یێن مین و ته‌قه‌مه‌نیان ژناڤبرن، كو ل ده‌ڤه‌رێن جودا یێن پارێزگه‌ها دهۆكێ هاتبوونه راكرن.
رێگر بێسفكی، به‌رپرسێ راگه‌هاندنا رێڤه‌به‌ریا گشتی یا كاروبارێن مینان ل پارێزگه‌ها دهۆكێ بۆ رۆژناما ئه‌ڤرۆ دیار كر، د ڤێ حه‌فتیێ دا، كو دبێژنێ حه‌فتیا په‌قینان، پتر ژ هزار پارچه‌یێن مین و ته‌قه‌مه‌نیان هاتینه ژناڤبرن و گۆت: “ئه‌ڤ پارچه‌یێن مین و ته‌قه‌مه‌نیان ل ده‌ڤه‌رێن جودا یێن پارێزگه‌ها دهۆكێ هاتینه راكرن”.
گۆتژی: “رێڤه‌به‌ریا گشتی یا كاروبارێن مینان ل پارێزگه‌ها دهۆكێ و تیما ژناڤبرنا میـن و تـه‌قـه‌مـه‌نـیا به‌رده‌وام كار ل سه‌ر ژ ناڤبرنا مین و به‌رمایكێن شه‌ڕان دكه‌ن ل سنوورێ پارێزگه‌ها دهوكێ، دوهی ١٣/١٢/٢٠٢٢ ل گوندێ ره‌شه‌ورێ یێ سه‌ر ب ناوچه‌داریا زاویته ڤه پتر ژ ٢٥٠ پارچێن مین و ته‌قه‌مه‌نیان هاتنه ژناڤبرن”.
ئاشكڕا ژی كر، د ڤێ حه‌فتیێ دا پتر ژ هزار پارچه‌یێن مین و ته‌قه‌مه‌نیان هاتینه ژناڤبرن.
