دلزار عه‌دنان: هه‌كه چ سه‌خته‌كاری نه بن دێ هه‌ڤڕكیا ناسناڤی كه‌ین
ئه‌ڤرۆ، زاخۆ، عه‌لی حاجی:
د داخویانیه‌كێ دا ئه‌ندامێ كارگێریا یانه‌یا زاخۆ یا وه‌رزشی بۆ رۆژناما ئه‌ڤرۆ دیار كر تیما وان یا ته‌پا پێی ل سه‌ر ئاستێ لاوان به‌رده‌وامه ل سه‌ر به‌رهه‌ڤیێن خوه بێ كێشه بۆ وه‌رزێ نوو یێ خولا پلا نایابا ئیراقێ ئه‌وا بڕیاره هه‌ڤڕكیێن وێ ل ناڤه‌راستا كانوونا دویێ یا سالا بهێت ده‌ستپێبكه‌ن.
زێده‌تر دلژار عه‌دنان گۆت: ژبۆ دروستكرنا بنیاته‌كێ باش بۆ یانه‌یا زاخۆ تایبه‌ت یێن یاریا ته‌پا پێی ئه‌وا گرێبه‌ست ل گه‌ل راهێنه‌رێ به‌رازیلی پابلۆ ئالڤێس و راهێنه‌ره‌كێ فله‌ستینی ئێمزاكریه، هه‌روه‌سان تاقیكرن بۆ 300 یاریزانێن لاوان هاتبوونه ئه‌نجامدان ل دووماهیێ نێزیكی 40 یاریزان هاتنه ده‌ستنیشانكرن و روژانه یه‌كه‌یێن راهێنانێ دهێنه ئه‌نجامدان كو هه‌تا راده‌یه‌كی تیمه‌كا باش هاتیه دانان پێخه‌مه‌ت مفا وه‌رگران ژ شیانێن وان بۆ داهاتی، ژوانا سه‌رخستنا بۆ تیما مه یا خولا پلا نایابا كوردستانێ لێ دێ گرنگیێ ب پشكداریا تیما لاوان بۆ خولا ئیراقێ ده‌ین و گه‌شبینین دێ هه‌ڤڕكیێ كه‌ن هه‌كه تیمێن پشكدار چو یاریزانێن سه‌خته د ژیێن وان دا پشكدار نه‌كه‌ن و ئارمانجامه رێزێن باش ده‌ستخوه‌ڤه بینن.
ناڤهاتی ئه‌وچه‌نده ژی گۆت: ژبه‌ر سكالا و گازنده‌یێن هه‌موو یانه‌یان ل سه‌ر سه‌خته‌كاریان ئێكه‌تیا ته‌پا پێی یا ئیراقێ دێ پشتبه‌ستنێ ل سه‌ر پاسپۆرتێن یاریزانان كه‌ت پێخه‌مه‌ت رێگریێ ل سه‌ر ده‌ستكارێ یان سه‌خته‌كاریا ژیێ یاریزانان ئه‌ڤه ژی پێنگاڤه‌كا باشه كو د به‌روژه‌وه‌ندیا تیما زاخۆ دایه.
