شێروان به‌شار: ئه‌م ژ سۆزێن به‌رده‌وام بێ هیڤی بووینه
ئه‌ڤرۆـ شاهۆ فه‌رید
د داخویانیه‌كێ دا شێروان به‌شار سه‌رۆكێ یانه‌یا گاره دیاركر كێشا وان نه‌بوونا پاره‌یه و یاریزان داخوازا مووچه‌یێن خوه د كه‌ن سه‌رباری حه‌ز ناكه‌ین تیما خوه ژ خولاپلا ئێكا كوردستانێ یا ته‌پا پێی ڤه‌كێشین لێ د یاریا ئه‌ڤرۆ دا هه‌مبه‌ری خانه‌قین هه‌كه چو چاره‌سه‌ری نه‌بن یاریزانێن مه به‌رهه‌ڤی یاریێ نابن و ئێكه‌تیا ته‌پا پێی یا كوردستانێ دێ ب فه‌رمی بڕیارا ڤه‌كێشانا تیما مه ژ خولێ په‌سه‌ندكه‌ت.
زێده‌تر ناڤهاتی بۆ رۆژناما ئه‌ڤرۆ گۆت: ئه‌ڤه چه‌ندین ساله داخوازا هاریكاریێ و رێكه چاره‌یه‌كێ بۆ یانه‌یا مه دكه‌ین و قه‌رێن مه بووینه گه‌له‌ك سه‌رباری ئه‌ڤه بۆ ماوێ 17 ساله ئه‌م به‌رده‌وام پشكداری چالاكیان دبین هه‌روه‌سان ل سالێن بوری كاودانێن مه خرابتر بوون لێ مه خوه نه ڤه‌كێشایه و ئه‌و لایه‌نێ ئه‌م ل گه‌ل دا كو ئێكه‌تیا لاوانه ئه‌وان ژی وه‌كو پێدڤی شیان نینن هاریكاریا تیمێ بكه‌ن.
هه‌روه‌سا شێروان به‌شاری گۆت: قه‌رێن مه گه‌هشتینه نێزیكی 200 ملیۆن دیناران، ئاریشه‌یا مه وه‌به‌رهێنان ژی نینه بشێن خوه بڕێڤه ببه‌ین، هه‌رچه‌نده مه هه‌موو بزاڤ دكرن بۆ وه‌رزێ ئه‌ڤساله ب كێمترین شیان به‌رده‌وامیێ بده‌ینه خولا پلا ئێك لێ ئه‌گه‌رێن بایكۆتكرنا تیمێ هنده‌ك یاریزان بوون و هنده‌ك یاریزانان دخواستن به‌رده‌وامبن، له‌وما وه‌كو سه‌رۆكێ یانێ بێ هیڤی بوویمه ژ هه‌موو سۆزێن بۆ مه هاتینه دان و ئێدی هیڤییا چو سۆزا نابین، ل پارێزگه‌هێ بتنێ گاره و سێمێل پشكداری پلا ئێكن و یاپێدڤی بۆ ناهێته كرن، سه‌رباری ئه‌و بوودجه‌یا بۆ دهۆكێ دهێت هاریكاریا مه ناكه‌ن.
