ئارتیتا: ئەو ریمۆنتادا روودای یا سەرنجراكێش بوو
راهێنەرێ ئسپانی و یانەیا ئارسنال یا ئنگلتەرایێ میشێل ئارتیتا پەسنا خوەراگری و زاخا یاریزانێن تیما خوە كر ئەوێن ژ خوسارەتیەكا نەچاڤەڕێ ڤەگەڕیاینە سەركەفتنەكا سەرنجراكێش، ئەڤ گۆتە هات پشتی تیما وان یا پاشكەفتی بوو ب دو گۆلان بەرانبەری یانەیا بۆرنمۆس، د نیڤا دویێ دا سێ گۆل تۆماركرن و گۆلا سەركەفتنێ د خولەكا 90+1 بینن، ژ چارچووڤێ قۆناغا 26 یا خولا پلا نایابا ئنگلتەرایێ.
ئارتیتا بۆ تۆرا bbc یا بریتانی گۆت: پێخوەشحالم ئەم شیاین پاشكەفتنا خوە د خولەكێن دووماهیێ دا بكەینە سەركەفتن د یاریەكا سەیر و پری هەڤڕكی دا، ئەوا روودایی ریمۆنتادا سەرنجراكێش و ئاگرین بوو، ئەڤ یاریە بوو مە دیرۆكە و چو جاران ژبیر ناكەم چنكو هەر ژ چركا ئێكێ یاری ئاگرین دەستپێكر و ترسەك ئێخستە د دلێ مە دا تایبەت پشتی سەركەفتنا هەڤڕكا مانچستەر ستی، لێ رژدی و مۆرالا یاریزانان هەتا دووماهی چرەكە بەردەوامبوون و شیان سەرێ لیستێ ب جووداهیا پێنچ خالان پارێزن، ئەڤ یاریە خالەكا دی یا رژدیێ یە بۆ هیڤیێن ناسناڤی.
