ئەڤرۆ دێ گەڕا دویێ ژ ڤاڤارتنێن یۆرۆیا 2024 هێنە كرن
ئەڤرۆ
دهێتە چاڤەڕێكرن ئەڤرۆ هەشت یاری ژ گەڕا دویێ یا ڤاڤارتنێن دەربازبوونێ بۆ قارەمانیا كۆپا نەتەوەیێن ئۆرۆپا یۆرۆ 2024ێ هێنە ئەنجامدان، ئەوا 53 هەلبژارتی بۆ دەه كۆمان هاتینە بەلاڤكرن ژبۆ دەربازبوونا 23ێ ژ وانا بۆ یاریێن دووماهیێ یا قارەمانیێ ئەوا بڕیارە هەڤڕكیێن وێ ل خزیرانا سالا بهێت وەلاتێ ئەلمانیا مێڤانداریا وێ بكەت، یاریێن ئەڤرۆ ژ گەڕا دویێ بڤی رەنگی دێ هێنە كرن.
كۆما سێیێ: ئنگلتەرا- ئۆكراین دەمژمێر حەفت شەڤ، مالتا- ئیتالیا 9:45 شەڤ، كۆما هەشتێ: كازاخستان- دانیمارك، دەمژمێر چارێ ئێڤاری، سلۆڤینیا- سان مارینۆ حەفت شەڤ، ئیرلەندا- فنلەندا 9:45 شەڤ، كۆما دەهێ: لیشتینشتاین- ئایسلەندا حەفت شەڤ، هەردو یاریێن لۆكسمبۆرگ- پۆرتۆگال، سلۆڤینیا- بۆسنا وهێرسك دەمژمێر 9:45 شەڤ هێنەكرن.
سوبەهی ژی هەشت یاری دێ ل دەمژمێر 9:45 شەڤ هێنە ئەنجامدان، كۆما دویێ، هۆلەندا- جەبەل تارق، ئیرلەندا- فرنسا، كۆما پێنجێ: مۆلدیڤیا-چیك، بۆلەندا – ئەلبانیا، كۆما شەشێ: نەمسا- ئەستۆنیا، سوید- ئازاربیجان، كۆما حەفت: هنگاریا- بولگاریا، مۆنتێنێگرۆ – سربیا.
رۆژا سێ شەمبی، كۆما ئێكێ: جۆرجیا- نەورویج دەمژمێر حەفت شەڤ، ئسكۆتلەندا- ئسپانیا 9:45 شەڤ، كۆما چارێ: توركیا- كرواتیا، وێلز- لاتیڤیا، كۆما نەهێ: رۆمانیا- بیلارۆسیا، سویسرا- ئیسرائیل، كۆسۆڤۆ- ئەندۆرا، هەموو یاری دەمژمێر 9:45 شەڤ هێنە كرن.
بۆ زانین ڤاڤارتنێن یۆرۆیا 2024 هەتا 26ێ ئادارا سالا بهێت بەردەوامبن و یاریێن گەڕا دویێ هەتا رۆژا سێ شەمبیا بهێت دێ هێنە كرن و دووڤدا دێ هێنە راوەستاندن.
