دهۆكێ دەلیڤا پێشڤەچوونێ ژ دەستدا و ترسا داكەفتنێ ل سەر زاخۆ دوبارە بوویە
ئەڤرۆ
پتشی ب دووماهی هاتنا یاریێن گەڕا 23ێ ژ هەڤڕكیێن خولا پلا نایابا ئیراقێ یا تەپا پێی، هەردو یانەیێن بەهدینان تیما دهۆك و زاخۆ نەشیان د ناڤ ئەرد و دەرڤەیی یاریگەهێن خوە سەركەفتنان تۆماربكەن و دەلیڤەیا پێشەچوونێ بۆ رێزێن باشتر ژ دەستدان.
– وەكهەڤیا ب تاما خوسارەتیێ
تیما تەپا پێی یا یانەیا دهۆك د ناڤ یاریگەها خوە دا نەشیا سەركەفتنێ تۆماربكەت و جەماوەرێ خوە ئاشتبكەت پشتی دگەل تیما نەفت ئەلوەسەت بێ گۆل وەكهەڤبوویی كو دبیتە یا نەهێ بەرانبەر پێنج خوسارەتی و نەه سەركەفتنان ب36 خالان جهێ خوە ل رێزا شەشێ پاراستیە، ژلایێ خوەڤە تیما میڤان رێزا 16ێ دهێت ب24 خالان و دهۆكێ دەلیڤەیا نێزیكبوون ژبۆ رێزێن پێشیێ و باشتر ژ دەستدا، هەرچەندە یاریا بهێت دێ دگەل هەولێرێ بیت ل یاریگەها فرانسۆ حەریری لێ بۆ دو حەفتیان هاتیە پاشئێخستن ژبەركو حەفتیا بهێت دێ یاریا خوە یا جاما ئیراقێ د ناڤ ئەردێ خوە دا یانەیا تەلەبە مێڤان كەت ژ چارچووڤێ قۆناغا 16ێ ژ كۆپایێ .
– زاخۆ ل سەر ئانجامێن خراب بەردەوامە
تیما یانەیا زاخۆ بێ خال ژ باژێرێ سلێمانیێ ڤەگەڕیا پشتی دگەل خودانێن ئەردی یانەیا نەوروز ب دو گۆلان بەرانبەر گۆلەكێ خوسارەت بوو و زەنگلا ترسێ یا رێزبەندیا داكەفتنێ دۆبارە هاتە لێدان و پاشڤە چوویە رێزا 14ێ 24 خالان ژ شەش سەركەفتن، هەشت وەكهەڤی دگەل نەه خوسارتی هەنە، كوڕێن خابۆری ئەوا بەرنیاس ئێك ژ مەزنترین جەماوەرێ وەرزشی ب خوەڤە دگریت ل سەر ئاستێ ئیراقێ د رەوشەكا خراب دایە و ئاستێ یاریزانان یێ چاڤەڕێ و پێدڤی نینە، لەوما دڤێت بۆ یاریا بهێت كادرێ راهێنانێ و كارگێریا یانێ دووڤچوونەكا باش ل سەر یاریزانان بكەت تایبەت لایەنێ دەرۆنی و ئەگەرێن لاوازبوونا ئاستی ژبۆ ڤەگەراندنا سەركەفتنان.
