ئۆکرانیا: دێ ب توندی بەرسڤا ئێرشێن رۆسیایێ دەین
سەرۆکێ ئۆکرانیایێ راگەهاند، ئەو دێ دەست ب ئێرشێن توند کەن و وان دڤێت هەموو وان دەڤەران ئازاد بکەن یێن کو ڤێ دووماهیێ هێزێن رۆسیا داگیر کرینە، دڤێت رۆسیا هەموو هێزێن خوە ژ ئاخا ئۆکرانیایێ ڤەکێشیت، خەلکێ ئۆکرانیایێ وانەکا باش دانە رۆسیا، خەلکێ ئۆکرانیایێ سەلماندن کو ئەو ل هەمبەر داگیرکەریا رۆسیایێ بێدەنگ نامینن و دێ هەتا دووماهیێ شەڕی بۆ ئازادیا وەلاتێ خوە کەن.
زیلێنسکی ئەو یەک ژی دیار کر، قرم ژی پارچەکە ژ ئاخا ئۆکرانیایێ و دڤێت جارەکا دی ڤەگەریتە ڤە سەر ئۆکرانیایێ، چونکی بێی قرمێ ئۆکرانیا دێ هەردەم یا لاواز بیت، نها وەکو ئۆکرانیا وان دەست ب شەڕەکێ مەزن کرینە، لێ ئەو یەک بێی ئەنجام نابیت، نها رۆسیا یا لاوازە و نەشێت وەکو جاران ئێرش بکەت، هێزێن رۆسیا هەر ئێرشەکێ ژی بکەن دێ ب توندی بەرسڤا وان هێتە دان، لەشکرێ ئۆکرانیایێ ب چەکێ گران خوە بۆ هەر ئەگەرەکێ بەرهەڤ دکەت، ئارمانجا سەرەکی یا ئۆکرانیایێ دەرخستنا هێزێن رۆسیایە ژ هەموو ئاخا ئۆکرانیایێ، ئەڤرۆکە جیهانا ئازاد پشتەڤانیێ ل ئۆکرانیایێ دکەت و رۆسیا ژی رۆژ ب رۆژێ یا ب تنێ دمینیت و پۆتین ژی نها گەلەک تەنگاڤ بوویە.
