رۆنالدۆ: بەرازیلێ باشترین یاریزان هەنە لێ بێ راهێنەرە
چیڤانۆكێ تەپا پێی یێ بەرازیلی رۆنالدۆ لویس نازاریۆ دالیما تۆرەبوونا خوە دیار كر بەرانبەر نەبوونا راهێنەرەكێ خودان شیان ل وەلاتێ وی سەربارە هەبوونا كۆمەكا مەزن یا یاریزانێن خودان شیان و بەهرەمەند.
رۆنالدۆیی بۆ رۆژنامەیا گاردییان گۆت: جهێ حێبەتیێ یە هەتا نوكە چو راهێنەرێن خودان شیان د ڤی دەمی دا نینن سەركێشییا هەلبژارتیێ بەرازیل بكەت بۆ قارەمانیێن داهاتی ژوانا كۆپا ئەمریكا و ڤاڤارتنێن مۆندیالا 2026ێ و پشتی بۆرینا پێنچ مۆندیالان ژبەر نەبوونا راهێنەرەكێ شارەزا مە ناسناڤ ژ دەستداینە، هەكە راهێنەرەكێ خودان شیان هەبا ژ ئەوا پێنچ مۆندیالان دبیت سێ ب دەستڤە ئینابان، لەوما بۆ داهاتی دڤێت راهێنەرەكێ وەكو كارلۆ ئەنشلۆتی یان پیب گۆاردیۆلایی هەلبژارتیێ بەرازیل برێڤەببەت، د باوەرێ دا مە دێ دیرۆكا سامپایێ بۆ 100 سالێن داهاتی باشتر لێكەن ژبەركو مە یاریزانێن هەین هەر ژ پشكۆژ و هەتا پێشكەفتیان بەهرەدار و خودان شیانن، بەرۆڤاژی مە ئەو راهێنەر نینە بشێت سەرەدەریا درۆست دگەل وان بكەت.
