فوتسالا ئافرەتێن دهۆكێ پێدڤی ب هاریكارییەكا ب لەزن بۆ قارەمانییا ئیراقێ
د داخویانیەكێ دا سەرۆكا یانەیا ئافرەتێن دهۆكێ دیار كر تیما وان پێدڤی ب هاریكارییا دارایی یا ب لەز هەیە پێخەمەت پشكداریێ د قارەمانییا ئیراقێ یا فۆتسالێ ل سەر ئاستێ تازەپێگەهشتییان دا ئەو دێ یاریزانێن ژ دایكبوویێن 2007 و سەردا پشكداربن و بڕیارە هەڤڕكیێن وێ ل مەها بهێت هەولێرا پایتەخت مێڤاندارییا وێ بكەت.
زێدەتر جریسك یونس بۆ رۆژنامەیا ئەڤرۆ گۆت: تیما مە یا فۆتسالێ ژلایێ فێدراسیۆنا تەپا پێی یا ئیراقێ ڤە هاتینە ئاگەهدار كرن ژبۆ پشكداریێ د قارەمانییا ئیراقێ دا ئەوا بڕیارە هەڤڕكیێن وێ ل ئەیلۆنا بهێت دەستپێبكەن، هەرچەندە تیما مە بەردەوامە ل سەر راهێنانێن خوە لێ كورتییا دەمێ شێوازێ راهێنانێ ژ سێ رۆژ د حەفتییەكێ دا بۆ رۆژانە هاتیە گوهۆڕین پێخەمەت باشترین بەرهەڤی بۆ قارەمانیێ و هەمی یاریزانێن كچ ژ پارێزگەها دهۆكێ نە،
ناڤهاتی هەبوونا مەزنترین ئاریشە بۆ رۆژنامێ دیار كر و گۆت: ئاستەنگا مەزن یا یانەیا ئافرەتێن دهۆكێ و پشكدارییا تیما مە بۆ قارەمانیێ نەبوونا پشتەڤانییا دارایی یە، د نوكە دا ئەم پێدڤی ب هاریكاریەكا ب لەزین ژبۆ پشكدارییەكا سەركەفتی و بشێن ئەوان مەزاختیێن بۆ یاریزان، راهێنەر، جلۆبەرگێن وەرزشی و پێدڤیێن تیمێ بەرهەڤبكەین، هەتا نوكە ل سەر كیستێ خوە ئەم یێ تیما خوە ب ڕێڤەدبەین و خوەبەخش كار دهێتە كرن پێخەمەت ناڤ و دەنگییا كچێن دهۆكێ بۆ قارەمانییا ئیراقێ، لڤێرە داخوازێ ژ پارێزگارێ دهۆكێ د. عەلی تەتەر دكەین هیڤی و حەزا ئەڤان یاریزانێن كچ بۆ بجه بینن و هاریكارییەكا ب لەز بۆ ڤێ تیمێ بكەت ژبەر كو كۆمەكا باشە دێ خزمەتا وەرزشا پارێزگەها دهۆكێ كەن.
