مارتینێزی ئۆفەرا 10 قاتی مووچەیێ خوە ڕەدكر
ستێرێ ئەرجەنتینی و یانەیا ئەنتەر میلان یا ئیتالی لاۆتارۆ مارتینێز سنۆرەك بۆ بزاڤێن دو یانەیێن خولا سعۆدیێ دانا و ئۆفەرێن وان ڕەدكرن.
پەیچێ فەرمی یێ دەزگەهێ فۆتبۆل ئیتالیا دیاركر هەردو یانەیێن هیلال و ئیتحاد جەدە یێن سعۆدیێ بزاڤێن دەستڤە ئینانا ستێرێ یانەیا ئەنتەر یا ئیتالی لاۆتارۆ مارتینیزێ و ئۆفەرێن گران بۆها پێشكێشی كربوو، یانەیا هیلال مووچەیەكێ سالانە 60 ملیۆن یۆرۆ بۆ ماوەیێ چار سالا بۆ مارتینێزی بەرهەڤكربوون كو دبیتە 10 قاتی مووچەیێ نوكە دگەل یانەیا ئەنتەر، ئۆفەرا ئیتحاد ژی هەمان كۆژمە بوویە لێ ستێرێ ئەرجەنتینی ب ئێك داخویانی گۆت: گرنگیێ ب ئۆفەرێ نا دەم، خولا ئیتالیا بۆ من باشترە و ئەو دەم نەهاتییە ل مووچەیی بگەریێم و هەڤڕكییا تەپا پێی بهێلم.
بۆ زانین لاۆتارۆ مارتینێز ل ناڤەراستا سالا 2018ێ ب گرێبەستا 25 ملیۆن یۆرۆیان ژ یانەیا رایسینگ كلۆپ هاتییە دناڤ رێزێن ئەنتەر میلانێ دا ئەوا گرێبەستا وی هەتا خزیرانا سالا 2026ێ بەردەوامبیت.
