ئالكاراز و شڤیۆنتیگ سەرێ لیستەیا جیهانێ پاراستن
هەردو ستێرێن جیهانی یێ ئسپانی كارلۆس ئالكاراز ل سەر ئاستێ كوڕان و یا هۆلەندی ئیگا شڤیۆنتیگ ل سەر ئاستێ كچان بەردەوامی دانە پاراستنا سەرێ لیستەیا جیهانی ئەوا ژلایێ فیدراسیۆنا نێڤدەولەتی یا یارییا تێنسا ئەردی بەلاڤكری.
كارلۆس ئالكاراز شیا سەرێ لیستێ پارێزیت پشتی ناسناڤێ قارەمانییا وێمبلدۆن ئێك ژ قارەمانیێن مەزن یێن ل سەر ئاستێ جیهانێ دەستڤەئینایی د یارییا دووماهیێ دا سەركەفت ل سەر هەڤڕكێ خوە و ستێرێ سربی نۆڤاك دیۆكۆڤێچ هەلگرێ ناسناڤێ وەرزێ بۆری، ئالكاراز ب كۆمكرنا 9375 خالان سەرێ لیستێ پاراست و دیۆكۆڤێچ ب8795 خالان رێزا دویێ دهێت، یێ رۆسیا دانیێل میدڤیدڤ ب6520 خالان رێزا سێیێ دهێت، ژلایێ خوەڤە ستێرا هۆلەندی ئیگا شڤیۆنتیگ ب كۆمكرنا 9315 خالان سەرێ لیستێ پاراست، یا بیلاروسیا ئارینا سابالینگا رێزا دویێ هات ب 8845 خالان و یا كازاخستانی ئیالینا رایباكینا ب كۆمكرنا 5465 رێزا سێیێ دهێت.
