جۆتیار عەلی: ئەم یاریزانی فێردكەین دا ببنە قارەمان
د دیارەكێ دا راهێنەرێ گەنج یێ یانەیا زاخۆ جۆتیار عەلی بۆ رۆژنامەیا ئەڤرۆ دیار كر د ماوەیێ دو سالێن بۆری یێ ڤەكرنا فێرگەها یاریا باسكێت بۆلا یانەیا زاخۆ شیایینە كۆمەكا باش یا یاریزانێن پشكۆژ، تازەپێگەهشتی و لاوان بەرهەڤ بكەن ل دووڤ شێوازێ ئەكادیمی و زانستی و مەرەما وان یاریزانن ببنە قارەمان.
زێدەتر جۆتیار عەلی گۆت: وەكو ئێك ژ راهێنەرێن باژێرێ زاخۆ دگەل هەڤالێن خوە هەردەم ئارمانجا مە ئەو بوویە بەرهەڤكرنا نڤشەكێ نوو یێ یاریزانێن یاریا باسكێت بۆلێ نە بتنێ بۆ باژێرێ زاخۆ و پارێزگەها دهۆكێ بەلكو بۆ هەمی كوردستانێ و ئیراقێ و ئەز بەرپرسم ل سەر ئاخڤتنا خوە ل دو سالێن بۆری زێدەتر 150 یاریزانان پشكداری فێرگەها یانەیا زاخۆ كربوو د ماوەكێ كورت دا 40 یاریزانێن باش ژ وانا بەژن بلند بەرهەڤ بووینە و 30 یاریزانێن ئاستەكێ بەرچاڤ و خودان شیان هاتینە پێش، ئارمانجا مە نە بتنێ یاریزانی فێركەینە یاریێ بەلكو ل دووڤ راهێنانێن بەردەوام ئەو ببنە قارەمان و بەلگە ژی بۆ جارا ئێكی مە تیمەك ب ناڤێ فێرگەها زاخۆ پشكداری قارەمانییا كوردستانێ كر و ئەڤان یاریزانان شیان ناسناڤێ قارەمانیێ بن و گیانێ هەڤڕكیێ بۆ پەیدا كەین د قارەمانیێن داهاتی دا.
ژلایەكێ دووڤە ناڤهاتی ئەو چەندە ژی گۆت: ژبەركو راهێنەرێ یانەیا زاخۆ مە د ماوەیێ سالێن بۆری یێ ڤەكرنا فێرگەهێ مە پارە ژ چو یاریزانان نە وەرگرتیە و حەز ناكەم وەربگرم ژی چنكو ئەم یاریزانی چێدكەین بۆ یانەیێ و ئەم بارەكێ گران ل سەر مللێن وی رادكەین و ئەو یاریزانێن دهێن ژی پرانییا وان حەز و ڤیانێن هەین بۆ یاریێ و ببنە پاشەرۆژا وەرزشا كوردستانێ، لەوما هیڤییا من ئەوە كەس نە بیتە رێگر ل سەر پرۆژەیێ مە بەلكو پشتەڤانبن سیستەمێ مە پارا بەرانبەر پشكدارییا یاریزانا نە وەرگرین و هەكە جهەك هەبیت وەربگریت ئەوان مافێ خوە یێ هەیی و یا گرنگ بوو مە وەرزشا باسكێت بۆلا زاخۆ پێشبێخین و پشت گەرمم مە یاریزانێن هەین هەتا زێدەتر20 سالێن دی ژی یانە مفایی ژێ وەربگرن هەكە پشتەڤانی هەبیت.
