بیره‌وه‌ریا وه‌غه‌ركرنا كه‌مال ئاكره‌یى هاته ساخكرن
ئه‌ڤرۆ نیۆز، سالار دۆسكى:
ل ژێر چاڤدێریا (جه‌هوه‌ر عه‌لى عزیز) قایمقامێ قه‌زا ئاكرێ، سه‌ندیكا هونه‌رمه‌ندێن كوردستانێ، تایێ دهۆك ب هه‌ڤكارى ل گه‌ل په‌یمانگه‌ها هونه‌رێن جوان، بیروه‌ریا دو سالیا وه‌غه‌ركرنا هونه‌رمه‌ند(كه‌مال ئاكره‌یى) ل هولا كونفرانسان هاته ساخكرن.
(ئه‌ڤین حسێن) سه‌رۆكا لقا دهۆك یا سه‌ندیكا هونه‌رمه‌ندێن كوردستانێ په‌یڤه‌ك پێشكێشكر و تێدا رۆلێ گرنگێ هونه‌رمه‌ند كه‌مال ئاكره‌یى دناڤا ستران و مۆزیكا كوردى دا بلند نرخاند، پاشان په‌یڤا بنه‌مالا هونه‌رمه‌ندى هاته خواندن ژلایێ (تاهر كه‌مال ئاكریى) ڤه و تێدا بخێرهاتنا مێهاڤانان كر و سوپاسیا ئاماده‌بوونا به‌رهه‌ڤبوویان كر، پاشان رێوره‌سم ده‌سپێكرن و پارچه فلمه‌كێ دوكومێنتارى كو ژلایێ هونه‌رمه‌ند (حه‌سه‌ن بیبو) ڤه هاتبوو به‌رهه‌فكرن هاته پێشكێشكرن و دووڤ دا چه‌ندین پارچه سترانێن هونه‌رمه‌ندێ وه‌غه‌ركرى ب شێوازێ مۆزیك ژلایێ قوتابیێن پشكا مۆزیكێ ڤه هاتنه ژه‌نین و ل دووماهیێ چه‌ندین خه‌لات ل سه‌ر بنه‌مالا ناڤبرى هاتنه به‌لاڤكرن.
