هاری كین بوو بوهاترین یاریزان د خولا ئەلمانیایێ دا
پشتی بۆ ماوەیێ زێدەتر هەیڤەكێ و سێ ئۆفەرێن جودا یانەیا بایرن میۆنخ یا ئەلمانی شیا ستێرێ ئەنگلتەرایێ و یانەیا تۆتنهام هۆتسبێر بینیتە د ناڤ رێزێن تیما خوە یا تەپا پێی داب ۆ وەرزێ نوو یێ خولا بۆندسلیگایێ.
د راگەهاندنەكا فەرمی دا یانەیا بایرن میۆنخ گرێبەست دگەل ستێرێ ئنگلتەرایێ هاری كین بۆ ماوەیێ چار سالان هەتا 2027ێ ئیمزاكر ب كۆژمەیێ 100 ملیۆن یۆرۆیان پشتی دو دۆفەرێن بەری وێ یانەیا تۆتنهام رازی نەبووی كو دهێتە هژمارتن بوهاترین گرێبەستا یانەیێ د دیرۆكا خولا ئەلمانیا دا ئەوێ ژ یانەیا تۆتنهام هاتیە ڤەگۆهاستن كود بیتە ئۆفەرا سێیێ یا یانەیا بایرنێ بۆ یاریزانێ ناڤهاتی و هەتا دووماهیێ دەست ژێ نە بەردایی و شیاین بینە د ناڤ رێزێن تیما خوە دا.
فلۆریان بلیتینبێرگ رۆژنامەڤانێ وەرزشی ل تۆرا سكایی ئەلمانیا گۆت: هاری كین یێ 30 سالی پشتی گرێبەستێ دگەل یانەیا خوە بەرهەڤبوو د یارییا شەڤا دەربازبوویی ژ كۆپا سۆپەرا ئەلمانیا دا پشتی ب فەرمی بوویە یاریزانێ بایرنێ و بوویە خودانێ هژمارەیا درێسێ نەهـ د پێكهاتیێ تیمێ دا.
بۆ زانین هاری كین د ژیێ تازەپێگەهشتییان دگەل تۆتنهام بوویە، ب شێوەیێ خواستن یاری بۆ یانەیێن لیتۆن ئۆرێنت، میلوول، نۆرێچ ستی و لێستەر ستی كریە، دگەل تۆتنهام 280 گۆل ژ 435 یاریان تۆماركرینە.
