چار ملیار دینار بۆ یانەیێن خولا ئیراقێ یا پیشەكاران هاتنە تەرخانكرن
قەیس وەیس:
دهێتە چاڤەڕێ كرن ئەڤرۆ فیدارسیونا تەپا پێی یا ئیراقێ كۆمبوونا خوە یا ئاسایی ل سەر بەرهەڤیێن وەرزێ نوو یا خولا پیشەكاران و چەند بابەتێن دی یێن جودا گەنگەشە بكەت.
ئەحمەد ئەلموسەوی ئەندامێ فیدراسیونا تەپا پێی یا ئیراقێ و پەیڤدارێ راگەهاندێ دیار كر ئەڤرۆ دێ كۆمبوونەكا بەرفرەهـ یا فیداسیونێ هێتە ئەنجامدان ژبۆ گەنگەشە ل سەر چەند بابەتێن گرێدایی ب تەپا پێی یا ئیراقێ و دووماهی بەرهەڤیێن یانەیێن پشكدار د خولا پیشەكاران دا تایبەت بابەتێ رێپێدانا سیستەمێ ئاسیایی، دیسان ئێك ژ گرنگترین بابەتێن كۆمبوونێ ئاماژە دان ب ئەوێ پشتەڤانییا حكومەتا ئیراقێ بۆ فیدارسیونێ و یانەیێن پشكدار وەكو پێنگاڤا ئێكێ ژبۆ سەركەفتنا خولێ و دیار كر دێ بووجەیەكا تایبەت یا چار ملیار دیناران بۆ یانەیێن پشكدار هێتە راگەهاندن ئەوا حكومەتا ئیراقێ بڕیارا خەرجكرنا وێ دایی پێخەمەت باشتكرنا كاودانێن دارایی یێن یانەیان كو هەر یانەك دێ كۆژمەیەكێ پارەیی وەرگریت ژبۆ چارەسەركرنا هەمی ئاریشەیێن خوە یێن دارایی.
ل دووماهی هەمان ژێدەری دیار كر سەرۆكێ فیدارسیونا تەپا پێی یا ئیراقێ راپۆرتەكا تەسەل ل سەر خولا پیشەكاران دگەل خولا پلا نایاب پێشكێشی سەرۆك وەزیرێن ئیراقێ محەمەد شیاع ئەلسودانی كرییە ئەوێ بەرهەڤی و رازیبوون ل سەر دایی.
