زاخۆ گرێبه‌ستا دۆ پیشه‌كارێن ئه‌مریكی ئیمزاكر
د داخویانیەکێ دا سەرپەرشتێ تیما باسکێت بۆلا یانه‌یا زاخۆ ئەوا پشکدار د خولا نایابا ئێراقێ دا بۆ رۆژنامه‌یا ئەڤرۆ دیار کر ب فه‌رمی گه‌هشتنه رێكه‌فتنێ دگه‌ل دو یاریزانێن پیشه‌كار یێن ئه‌مریكی و بڕیاره ئه‌ڤرۆ هه‌تا سوبه‌هی بگه‌هنه زاخۆ.
زێدەتر عەبدولسەتار عەلی گۆت: ب فه‌رمی گه‌هشتینه رێكه‌فتنێ دگه‌ل دو یاریزانێن پیشه‌كار یێن وه‌لاتێ ئه‌مریكا ئه‌و ژی رەشاد جاکسون و برێلاند والتون خوه به‌رهه‌ڤكرن بۆ یارییا دووماهیێ بەرامبەر نەفت ژ كۆپا چه‌له‌نگنیێ ئه‌وا بڕیاره ل 15ێ ڤێ هه‌یڤێ باژێرێ به‌غد بهێته كرن و بۆ وه‌رزێ نوو یێ خولا پلا نایابا ئیراقێ، بڕیاره ئه‌ڤرۆ هه‌تا سوبه‌هی بگه‌هنه باژێرێ زاخۆ پێخه‌مه‌ت به‌رهه‌ڤی بۆ كۆپا چه‌له‌نگینیێ هه‌رچه‌نده هه‌كه د وه‌ختێ خوه ژی دا نه‌گه‌هن تیما مه بۆ ڤێ یاریێ به‌رهه‌ڤیێن باش دكه‌ت، ئه‌م گرنگیەکا مەزن دەینە ڤێ یاریێ ژبه‌ركو دێ یارییەکا گرنگ و بزەحمەت بیت، ل وه‌رزێ ئه‌ڤ ساله دا ژبه‌ر نه‌بوونا ده‌می ئه‌م نه‌چاربووینه كه‌مپێ راهێنانێ یێ تیمێ نه هێته دانان.
زێدەتر ناڤبری گۆت ژی: وان باوەرییەکا مەزن ب کورێن خابیری هەیە و د بەرنامەیێ مە دا بوو هەکە خوە پێشەکارێن مە ژی نەگەهنە زاخۆ ئەم ئامادەینە ب کورێن زاخۆ روو ب روویی نەفت ببین، هەمی یاریزانێن مە بۆ دەمەک درێژە یاریێ دگەل ئێک دکەن و هەماهەنگی و لێک تێگەهشتنەکا باش د ناڤبەرا یاریزانێن مە دا هەیە.
