مباپی نامەیەكا نهێنی بۆ ریال مەدرید هنارت
راپۆرتەكا رۆژنامەڤانی ل ئسپانیا ناڤەرۆكا نامەیا كێلیان مباپی ستێرێ فرەنسی و یانەیا پاریس سانجێرمان دیاردكەت ئەوا بۆ ریال مەدرید هنارتی.
رۆژنامەیا ماركا یا ئسپانی ئاماژە دا ب وێ یەكێ كر ئەو بزاڤێن مەزن یێن ریال مەدرید كرین بۆ دەستڤە ئینانا كێلیان مباپی سەر نەگرتن و ئەگەری نە یاریزان بوو، بەلكو سەرۆكێ فرەنسا ئیمانوێل ماكرۆنی داخواز ژێ كربوو وەرزێ ئەڤ سالە ژی بمینت و نەچاربوویی گرێبەستا ریالێ ڕەدبكەت، ئەڤچەندە بوو ئەگەر یانەیا ئسپانی سەرباری هەتا 150 ملیۆن یۆرۆ ژی وەكو ئۆفەر پێشكێشی یاریزانی كربوو.
هەمان رۆژنامەیێ دیار كر ئەو نامەیا نهێنی یا مباپی بۆ ریال مەدریدێ هاتیە هنارتن داخواز ژ كارگێرییا یانەیێ كربوو بهێنفرەهـ بن د وەرزێ ئەڤ سالە دا و بڕیار یا دایی ئەو وەرزێ بهێت گرێبەستا خوە دگەل پاریس سانجێرمانێ نوو نەكەت و بێ دانا كۆژمەیێن مەزن دێ هێتە ریال مەدریدێ.
