سانچۆ: سەرەدەرییا راهێنەری ئاگرێ ناكۆكییان هەلكر
ستێرێ ئنگلتەرایێ و یاریزانێ یانەیا مانچستەر یۆنایتد جادۆن سانچۆ ب تۆرەیی ڤە بەرسڤا راهێنەرێ خوە یێ هۆلەندی ئێریك تین هاچ ددەت و سەرەدەرییا وی ب هەلكرنا ئاگرێ ناكۆكییان دا دیاركرن.
د دیدارەكا رۆژنامەڤانی دا سانچۆی گۆت: هەكە من نیەتا چوونا خوە ژ مانچستەر كربا دا ب ئاشكەرایی بۆ هەمی پشتەڤانێن یانەیێ دیار كەن، لێ ئەوا راهێنەری دیاركری كو من نەڤێت بمینت چو راستی بۆ نینە و ئەز یێ هاتیە ڤێ یانەیا مەزن بۆ دەستڤە ئینانا ناسناڤان، ئەو سەرەدەرییا راهێنەر بەرانبەر هندەك یاریزانان دكەت پیشەیا كاری نینە بەلكۆ ئاگرێ ناكۆكییان هەلكرییە نموونە چوونا كریستیانۆ رۆنالدۆی ژی بەلگەیا ئاخڤتنا منە.
سانچۆیی چوونا خوە دوور نە ئێخست هەكە راهێنەر بەردەوامبیت و سەرەدەرییا خراب بكەت و گۆت: دەستپێكێ گازندە ژ ئاستێ من كرن بەرۆڤاژی هەمی چاڤدێران پەسنا من كربوو، دووڤدا بۆهانێن بێ بنەما دیاركرن، هوسا دیارە ئەو حەز ناكەم دگەل بم لەوما یێ بەرهەڤم بچمە یانەكا دی و كاروانێ خوە گۆری وی ناكەم.
