زاخۆ و پیرس دەربازبوونا خوە بۆ نایابا كوردستانێ مسۆگەر كر
قەیس وەیس:
ب فەرمی هەردو تیمێن یانەیا زاخۆ و پیرس دەربازبوونا خوە بۆ خولا پلا نایابا كوردستانێ ل سەر ئاستێ تازەپێگەهشتییان ل ژیێ بن18 سالی دا، پشتی شیایی د هەڤڕكیێن قۆناغا كۆمان رێزێن ئێكێ و دویێ یێن هەر كۆمەكێ، ئەوا 20 یانەیێن هەرێمێ هاتینە بەلاڤكرن ل سەر چار كۆمان و یاریێن وان ب شێوەیێ خول ئێك قۆناغ د هاتنە كرن و دو یانە ژ هەر كۆمەكێ دەربازبوو قۆناغا دووماهیێ.
د كۆما ئێكێ دا تیما یانەیا پیرس ب سەرپەرشتیا راهێنەرێ وێ هەرژەنگ بابەكر ل رێزا دویێ هات ژ چار یارییان و هەشت خال كۆمكرن ئەوا یانەیا هندرین ب10 خالان سەرێ لیستێ وەرگرتی و هەردو یانەیان دەربازبوونە قۆناغا دووماهیێ یا خولێ و بۆ وەرزێ 2023-2024ێ دگەل تیما رێزا سێیێ مەخمۆر دەربازبوونە خولا پلا نایاب.
د كۆما دویێ دا تیما تازەپێگەهشتیێن زاخۆ ب سەركێشییا سەرێ لیستا كۆما خوە دەربازبوون بۆ قۆناغا دووماهیێ و پلا نایابا وەرزێ 2023-2024ێ مسۆگەر كر، پشتی ژ سێ یاریان نەهـ خالان كۆمبكەت ئەوا ب سەرپەرشتییا راهێنەرێ وان بەهدین عەلی بوویە، هەروەسان یانەیا هەولێر ب شەش خالان رێزا دویێ و خلێفان رێزا سێیێ هاتن.
د كۆما سێیێ دا هەر ئێك ژیانەیێن پێشمەرگەهـ و شۆرجە و كۆما چارێ خاك و دەربەندیخان دەربازبوونە قۆناغا دووماهیێ و دهەمان دەمدا دگەل هەردو یانەیێن كۆمێن وان شێروانە و چوارقۆرنە دەربازبوونە پلا نایابا كوردستانێ.
بۆ زانین قۆناغا دویێ سەركەفتیێن كۆما ئێكێ و دویێ دێ بەرانبەر ئێك یاریێ كەن، سەركەفتیێن كۆما سێیێ و چارێ ژی هەمان شێوە یاریێ كەن كو دێ ل دووڤ سیستەمێ كەتنا دوچاركی ئانكو پشتی دو خوسارەتییان دێ ژ قارەمانیێ دووركەڤیت.
