حەفتیانە سێ ملیۆن دۆلار دگەل سەیرترین داخوازی بۆ هاتینە بجهئینان
راپۆرتێن رۆژنامەڤانی ناڤەڕۆكا گرێبەست و مەرجێن ستێرێ بەرازیلی نەیمار دا سیلڤا بەلاڤكرینە كو دهێتە هژمارتن چەند ژ وانا سەیرترین داخوازینە، پشتی ب فەرمی گرێبەستا خوە بۆ دو وەرزان دگەل یانەیا هیلال یا سعۆدیێ ئیمزكری.
رۆژنامەیا THE SUN یا بریتانی نهێنێن ناڤبەرۆكا گرێبەستا نەیمارێ 32 سالی بڤی شێوەیی دیاركر، ل دووڤ رێكەفتنێ حەفتیانە نەیمار نێزیكی 3.19 ملیۆن یۆرۆیان دێ وەرگریت، هەروەسان وەكو مەرج داخواز كرییە سێ ترۆمبێلێن گران بوها ل بەردەستێ وی بن، چار ترۆمبێلێن مارسیدس جورێ G Wagons و ترۆمبێلەكا دی یا مارسێدی جورێ ڤان دگەل شۆفێرەكی كو رۆژانە د ماوەیێ سالێ دا بەرهەڤبیت بۆ خێزانێ و هەڤالێن خوە، ژ ئەوان ترۆمبێلێن داخوازكری، بێنتلی كۆنتینتال جی بی، ئاستۆن مارتن دی بی ئێكس و لامبۆرگینی هۆراكان.
ژلایەكێ دووڤە نیمار خواستیە دڤێت د مالێ دا شەربەتا سرۆشتی یا Aca هەبیت و شەربەتا جورێ Guarana بۆ خێزان و هەڤالێن وی بەرهەڤبیت، هەروەسان سێ جهێن سەرشۆشتنێ و ساونا و پێنچ كرێكار رۆژانە ژی بەردەست بن، هەروەسان سەرۆكێ شیف یێ خارنگەهێ بۆ هاریكارییا دو شێفێن وی یێن بەرازیلی بكەن ددەمێ درۆستكرنا خارنێ، هەروەسان داخواز كرییە بۆ هەر دەركەفتنەكا وی یان بهێنڤەدانەكا ل باژێرەكێ دی هەمی مەزاختیێن ئۆتێل و خوارنگەها ل سەر كیستێ یانەیا هیلال بیت، هەر ل سەر داخوازیێن وی یێن ناڤەرۆكا گرێبەستێ دا هاتینە ئیمزاكرن فرۆكەكا تایبەت بۆ وی و خێزانا وی یا بەرهەڤ بیت، دیسان ل مالا وی دا مەلەڤانگەها مۆدرێن ژی هەبیت، دڤێت ڤێلەیا وی 25 ژوورێن نڤستنێ و رۆنشتنێ هەبن بۆ خێزان و هەڤالێن وی و ئەو كەسێن نێزیكی وی سەرەدانا وی دكەن.
