سەمیر عەبدولقادر: ڤۆلی بۆلا بەردەرەش ئێكانە تیما پارێزگەهێ یە بێ پشتەڤانییە
رەمەزان زەكەریا:
سەرۆكێ یانەیا بەردەرەش یا وەرزشی ئاشكرا كر حوكمەتا هەرێما كوردستانێ ب كۆژمێ 304 ملیۆن دیناران فریزیێ یاریگەها یانەیا بەردەرەش گوهۆارتیە و ژبلی وێ چو پشتەڤانیەكا دی بۆ یانەیێ نەهاتیە كرن، ئەم دخوازین پتر پشتەڤانیا یانەیێ بهێتە كرن ژبە ركو رەوشا ئابووریا یانەیێ د ئاستەكێ خرابدایە.
زێدەتر سەمیر عەبدولقادر بۆ ئەڤرۆ گۆت: تیما ڤۆلی بۆلا بەردەرەش بۆ كوڕان ئێكانە یە ل سەر ئاستێ پارێزگەها دهۆكێ ب ئاست و شیان لێ هەیڤانا وێ دو ملیۆن و 500 هزارن تێرا وێ چەندێ ناكەت چ چالاكیا پێ بكەین، هەروەسا یانەیا بەردەرەش یانەیێ چ هۆلێن گرتی نینن راهێنانێن خوە تێدا بكەن كو ئێك پێدڤیێن هەرە گرنگ بۆ تیمێ.
ناڤهاتی گۆت: ئەو تیم یا رێكخستی یە و د شیان دایە ل سەر ئاستێ ئیراقێ و كوردستانێ ژی پشكدارییەكا سەرفەراز د خولان دا بكەت لێ ژبەر نەبوونا پشتەڤانیێ نەشیایە چو پێنگاڤا پاڤێژیت و بۆ زانین هەمی یاریزانێن ڤۆلی بۆلا بەردەڕەش خەلكێ دەڤەرێنە، مخابن ژبەر نەبوونا چ یاریگەهێن پێشكەفتی و تایبەت ب یاریا ڤۆلی بۆلێ ڤە نەشیانە وەك پێدڤی راهێنان و یاریێن خوە بكەن.
ل دووماهیێ سەمیر عەبدولقادر گۆت: دخوازین حوكمەتا هەرێما كوردستانێ پشتەڤانیا وەرزشا بەردەرەش بكەت د بوارێ تەپا پێی و ڤۆلی بۆلێ دا ژبەر كو بێ پشتەڤانی ئەم نەشێین چالاكیێن بەردەوام ئەنجام بدەین.
