رۆژین سەعید: گیرۆبوونا راهێنانان كارتێكرنێ ل سەر ئارمانجێن مە ناكەت
د داخویانیەكێ دا ئەنداما كارگێرییا یانەیا ئافرەتێن دهۆكێ دیار كر پشتی ئەو گەهشتینە رێكەفتنێ دگەل راهێنەرێ بەرنیاس یێ پارێزگەها دهۆكێ ئەحمەد حسێن ژبۆ سەرپەرشتیكرنا تیما وان یا فوتسالێ خوە بەرهەڤكرن بۆ هەردو قارەمانیێن ئیراقێ و كوردستانێ و بڕیاربوو دەست ب راهێنانان بكەن لێ چەند ئەگەر بوونە ڕێگر.
زێدەتر رۆژین سەعید بۆ رۆژنامەیا ئەڤرۆ گۆت: بۆ وەرزێ نوو یێ خولا و قارەمانیێن داهاتی یێن كوردستانێ و ئیراقێ كارگێرییا یانەیێ پلانەكا رێكخستی و دووم درێژ بۆ تیما خوە یا تازەپێگەهشتی دانایە ژبەركو هەمی یاریزانێن كچێن پارێزگەهێ نە و نڤشەكێ نوو یە بۆ ئاڤاكرنا تیمەكا خومالی، لەوما پێنگاڤا ئێكی ب دەستنیشانكرنا راهێنەرێ تیما مە یێ بەرێ ئەحمەد حسێن ئەوێ خودان سەربۆر و شارەزا وەكو پێنگاڤا ئێكێ یا پلانا مە، ژبەركو پرانییا یاریزانێن تیما مە ژ دایكبوویێن بچووكن دناڤبەرا 2007 – 2013ێ دا نە ئانكو شارەزاهییا وان یا كێمە بۆ ڤێ یەكێ راهێنەر دێ شێن گوهۆڕینێن باش كەت.
ژلایەكێ دووڤە ناڤهاتی دیار كر سەرباری بریار بوو دەست ب راهێنانان بهێتە كرن لێ هندەك یاریزان ژبەركو قوتابی نە و پێدڤی ب دەمی هەنە هەتا دەستپێكا خواندنێ بەرنامەیێ خوە بزانن و دیسان مە یاریزان هەیە دەم د نوكە داب ۆ نا گۆنجیت و هەنە ژی تووشی هنگاڤتنێ بووینە لەوما بڕیار هاتییە دان د ڤێ حەفتیێ ژی دا راهێنان نەبن، ئەڤچەندە ژی ب هیچ شێوەكێ كارتیكرنێ ل سەر ئارمانج و پلانا مە ناكەت ژبەركو مە پلانا دووم درێژ هەیە و هزر د پاشەرۆژەكا گەشتر دكەین
ل دووماهیێ رۆژین سەعید خوەشحالییا خوە دیار كر و گۆت: هەتا نوكە ئەم یێن بەردەوامین ل سەر ئاڤاكرنا نڤشەكێ نوو و رژدین ل دووڤ پشتەڤانییا بەردەوام یا د. عەلی تەتە پارێزگارێ دهۆكێ ژبۆ كچێن وەرزشڤان یێن پارێزگەهێ و پێنەڤێت ئەڤ چەندە ژی ئەگەرە ژبۆ پێشكەفتنا وەرزشا ئافرەتێن پارێزگەها دهۆكێ.
