شڤان حاجی دێ ئەركێ راهێنەراتییا لاوێن یانەیا دهۆك وەرگریت
ژێدەرەكێ باوەرپێكری بۆ رۆژنامەیا ئەڤرۆ دیار كر كارگێرییا یانەیا دهۆك یا وەرزشی گەهشتییە رێكەفتنێ دگەل راهێنەرێ گەنج و بەرنیاس ل پارێزگەهێ شڤان حاجی ژبۆ وەرگرتنا ئەركێ راهێنەراتییا تیما تەپا پێی ل سەر ئاستێ لاوان خوە بەرهەڤكرن بۆ وەرزێ نوو 2023- 2024ـێ یێ خولا ئیراقێ یا پیشەكاران و ل نێزیك دێ هێتە راگەهاندن.
زێدەتر ئەوی ژێدری گۆت: راهێنەر شڤان حاجی دگەل هاریكارێ وی روباد خەلیل و جوتیار محسن وەكو راهێنەرێ گۆلپارێزان ژلایێ كارگێرییا یانەیا دهۆك ڤە هاتینە دەستنیشانكرن بۆ ئەركێ راهێنەراتییا تیما تەپا پێی یا لاوان ئەوێن دێ خوە بەرهەڤكەن بۆ وەرزێ نوو یێ خولا ئیراقێ یا پیشەكاران، لێ هەتا نوكە ب شێوەیێ فەرمی نە هاتییە راگەهاندن، هەروەسان هێشتا راهێنانان وان ژی نە هاتینە كرن.
بۆ زانین شڤان حاجی وەكو راهێنەرێ گەنج یێ خودان شیان چەندین ناسناڤ دەستڤە ئیناینە ژ وانا دگەل یانەیێن پیرس و زێرەڤانی ناسناڤێ كوردستانێ جارەكێ و دو جاران رێزا دویێ ئینایە، هەروەسان دگەل یانەیا دهۆك ناسناڤێ خولا كوردستانێ و جارەكێ یا دویێ و دیسان رێزا دویێ ل سەر ئاستێ ئیراقێ ئینایە، راهێنەرێ ناڤبری ل سالا 2010ێ دەست ب كارێ راهێنەراتیێ د خولێن تەپا پێی دا كریە و شیاییە كۆمەكا باش یا یاریزانێن خودان شیان وەكو بەهرەمەند ل سەر ئاستێ ئیراقێ دەرڤە پێشبێخیت ژ وانا هارون ئەحمەد ئەوێ نوكە یاریزانێ دالكۆرد ل سویدێ، ئەحمەد زێرو ل یانەیا شورتە یا بەغدایی.
