ئەڤرۆ سێ ب هێزترین دێربیێن ئۆرۆپا دێ هێنە ئەنجامدان
پشتی ل حەفتییا بۆری گەڕا ئێكێ یا چامپیۆنزێ ب دووماهی هاتی بڕیارە ئەڤرۆ دوبارە چەند یاریێن دی ژ خولێن ئۆرۆپا بهێتە كرن تایبەت بۆ دەستڤە ئینان و پاراستنا سەرێ لیستێ، جەماوەرێ وەرزشی چاڤەڕێ سێ گرنگترین دێربییان د خولا ئۆرۆپا دا نە.
دێربیێ مەدریدێ
ژ گرنگترین یاریێن ئەڤرۆ دێربییا پایتەختێ ئسپانیا مەدرید د ناڤبەرا هەردو هێزا یانەیا ریال مەدرید و مێڤانداریا وێ یانەیا ئەتلەتیكۆ مەدرید ئەوا دێ ل دەمژمێر 10ی شەڤ ل یاریگەها سیڤیتاس میترۆبۆلیتانۆ ژ چارچووڤێ گەڕا شەشێ یا خولا ئسپانیا، ئەڤ یارییە دێ تامەكا تایبەت بۆ جەماوەرێ هەردو یانەیان هەبیت، ریال مەدرید خودانا خوە 15 خالان سەرێ لیستێ یە، ئەتلەتیكۆ حەفت خال یێن هەین، دەلیڤەكا باشە بۆ بەرشەلونا ب سەركەفتا خوە و خوسارتییا ریالێ سەرێ لیستێ وەربگریت.
دێربیێ لەندنێ
ژلایەكێ دووڤە ژ چارچووڤێ گەڕا شەشێ یا خولا پلا نایابا ئنگلتەرایێ دێربیێ پایتەختێ ئنگلتەرایێ دێ شەڕەكێ دی دناڤبەرا هەردو یانەیێن ئارسنال خودانا ئەردی و یانەیا تۆتنهام د یارییەكا دی بۆ دەستڤە ئینانا شاهێ قۆناغا ئێكێ یا دێربیێ لەندنێ ئەوا دێ ل دەمژمێر چارێ ئێڤاری هێتە كرن، یانەیا تۆتنهام ل رێزا دویێ ب 13 خالان دهێت، ب جووداهییا لیڤەرپۆل و ئارسنالێ ئەوێن رێزێن دویێ و سێیێ دهێت، هەردو یانە دێ بزاڤێن سەركەفتنێ كەن ژبۆ موكمكرنا رێزێن پێشیێ.
دێربییا پاریسی
یارییا سێیێ یا كۆپیتكا دێربیێن خولێن ئۆرۆپا دناڤبەرا هەردو یانەیێن پاریس سانجێرمان و هەڤڕكا وێ یا كلاسیكی مارسێلییا ئەوا دێ ل دەمژمێر9:45 شەڤ ژ چارچووڤێ گەڕا شەشێ یا خولا فرەنسا هێتە كرن، هەردو یانە دێ بزاڤێ كەن ڤەگەڕنە سەركەفتنان د خولێ دا پشتی د یاریێن گەڕا پێنجێ دا پاریس دگەل نێس خوسارەت بوویی و مارسێلیا دگەل تۆلۆز وەكهەڤی بوو، مارسیلیا نەهـ خال هەنە رێزا سێیێ و پاریسێ هەشت خال كۆمكرینە رێزا پێنجێ دهێت.
