سێ یاریزانێن كورد بۆ هەلبژارتیێ ئۆلمپی یێ ئیراقێ هاتنە داخواز كرن
رێڤەبەرێ كارگێری یێ هەلبژارتیێ ئۆلمپیێ ئیراقێ عەبدولجەبار هاشم راگەهاند 26 یاریزان بۆ كەمپێ هەلبژارتیێ ئیراقێ یا تەپا پێی بۆ یاریزانێن ل بن 23 سالی هاتنە داخوازكرن ئەوا دهێتە چاڤەڕێ كرن ل دووماهییا حەفتییا بهێت ل وەلاتێ مەغرب بهێتە دانان خوە بەرهەڤكرن بۆ دو یاریێن هەڤالینی و قارەمانیێن داهاتی.
د لیستەیا داخوازكری یا راهێنەرێ ئۆلمپیێ ئیراقێ رازی شنێشل سێ یاریزانێن كورد و یاریزانێ یانەیا دهۆكێ دناڤدایە بڤی رەنگی، سیابەند عەگید یاریزانێ پارێزگەهێ و یانەیا دهۆك، یوسف پایز ئەلئیمام ڕەڤەندا كورد و یانەیا مالمۆ ل سویدێ، بلند ئازاد یاریزانێ ڕەڤەندا كورد و یانەیا گرافشاب ل هۆلەندا، ژلایەكێ دووڤە ژی یاریزانێ نوو یێ یانەیا دهۆك زو ئەلفقار یونس عەبد عەلی ژی دگەل دایە.
رێڤەبەرێ كارگێری یێ هەلبژارتیێ ئۆلمپی دیار كر ل دووماهییا حەفتییا بهێت ئۆلمپیێ ئیراقێ دێ بەر ب وەلاتێ مەغرب چیت ژبۆ دانانا كەمپەكێ راهێنانێ دووڤدا دێ دو یاریێن هەڤالینی ئەنجامدەت، یا ئێكێ ل 11ێ چرییا ئێكێ یا بهێت دگەل خودانێن ئەردی مەغرب و یا دویێ دگەل هەلبژارتیێ دۆمینیكان ل 14ێ هەمان مەهە كو ئەڤ هەردو یارییە دهێنە هژمارتن یێن FIFA DAY ئانكۆ یاریێن رۆژا فیفایێ.
