چیایی تەیمۆر: ب نڤێسار من داخوازا پشتەڤانییا دارایی ژ سەرۆك وەزیرێن ئیراقێ بۆ چار یانەیێن كوردستانێ كریە
د داخویانیەكا تایبەت دا جیای تەیمۆر عەبدال پەرلەمانتار ل سەر لیستا پارتی دیموكراتی كوردستان و سەرۆكێ لیژنەیا وەرزش و لاوان ل پەرلەمانێ ئیراقێ ب نڤێسارەكا فەرمی داخواز ژ سەرۆكێ وەزیرێن ئیراقێ كرییە پشتەڤانییا دارایی بۆ هەر چار یانەیێن كوردستانێ كرییە ئەوێن دێ پشكداری وەرزێ نوو یا خولا تەپا پێی یا ئیراقێ یا پیشەكاران بن.
زێدەتر ناڤهاتی بۆ رۆژنامەیا ئەڤرۆ گۆت: ژ بەر كو هەر چار یانەیێن كوردستانی دهۆك، هەولێر، زاخۆ و نەورۆز د چارچووڤێ هەر 20 یانەیێن ئیراقێ دا دێ پشكداری وەرزێ نوو 2023 -2024 یا خولا تەپا پێی یا ئیراقێ یا پیشەكاران بن، مە ب نڤێسارەكا فەرمی یا هژمارە 43ێ داخواز ژ محەمەد شیاع ئەلسودانی كرییە كو پشتەڤانییا دارایی بۆ هەر چار یانەیێن كوردستانێ بكەن هەر وەكو چەوا بڕیارا پشتەڤانییا دارایی بۆ 16 یانەیێن دی یێن خولێ هاتییە كرن ب دانا سلڤەكا پارەیی بۆ یانەیێن پشكدار.
هەروەسان چیای تەیمۆر گۆت: د نڤێسارا خوە دا مە دیار كرییە كو شێوازێ خولێ یا وەرزێ نوو پێدڤی ب گەلەك مەزاختیێن پارەیی هەنە ژ گرێبەست، مووچەیێن یاریزانێن بیانی و نافخۆ دیسان مووچەیێ كادرێ راهێنانێ دگەل پێدڤیێن یاریزانان و تیمێ یێن چلۆبەرگ و راهێنانێ، و مەزاختیێ گەشتێن تیمێ ژ پارێزگەهەكێ بۆ پارێزگەهەكا دی هەتا بشێم كاروانێ خوە د ناڤ خولێ دا بەردەوام بیت، لەوما ژبەركو ئەڤان یانەیان ئەو شیانێن دارایی نینن.
ناڤهاتی ئەوچەندە ژی دیاركر پشتی پەیوەندی ب سەرۆكێن هەرچار یانەیان كربوو و داخوازا نڤێسارێن وان ژی كربوو پێخەمەت ببیتە هەڤپیچ دگەل نڤێسارا مە پێخەمەت و گۆت: كۆژمەیێ باش وەكو داخوازی مە ژ سەرۆك وەزیرێن ئیراقێ محەمەد شیاع ئەلسودانی كرییە ژبۆ بەلاڤكرن ل سەر هەر چار یانەیێن كوردستانی د خولا ئیراقێ یا پیشەكاران بۆ وەرزێ نوو.
بۆ زانین ل خزیرانا بۆری چیای تەیمۆر وەكو پەرلەمانتارێ پارتی دیموكراتی كوردستان شیابوو كۆژمەكێ پێدڤی یێ پشتەڤانییا دارایی بۆ یانەیا سەنحاریب یا وەرزشی دابینبكەت ئەوێن بەرهەڤی دكرن بۆ قارەمانییا عەرەبی یا باسكێت بۆلێ ل سەر ئاستێ كچان.
