ڤیدیۆیێن دو دەقیقە ل سناپی بەلاڤ بكە
كۆمپانیا سناپ چاتی ل گەل ئابدەیتێن خوە، گوهۆڕینێن كاریگەر دكەت، هندەك ژ وان ژ تاما سناپ چاتی كێم دكەن و هندەك ژی پالدەرن كو جەماوەرەكێ ئێكجار زۆر لێ كۆم بوویە.
بكارئینەرێن سناپ چاتی یێن دەستپێكێ دزانن، پێشتر دەما كەسەكی ڤیابا سناپەكی بگریت، ب تنێ دشیا بۆ ماوێ دەه چركان سناپێ خوە درێژ كەت و پاشان ژی بوو پارچە پارچە و پاشان ژی دەقیقەك.
د نووترین ئابدەیتا خوە دا، كۆمپانیا سناپ چاتی، رێ ددەت بۆ ماوێ دو دەقیقان ل سەر ئێك ڤیدیۆیێ بكەیی، هەر چەندە هێشتا ئەڤ خزمەتە ب تنێ بۆ ئای ئو ئێس ل بەر دەستە، بەلێ دیارە دێ ل دەمەكێ نێزیك بۆ ئەندرۆید ژی بەردەست بیت.
بەلاڤ بوونا ڤێ تایبەتمەندیێ بۆچوونێن جودا ل دووڤ خوە هێلاینە كو هندەك پێشوازی لێ كرینە و هندەكان ژی بێزاریا خوە ژێ دیاركریە و ددەنە زیانین كو خوەشیا سناپی د كێمیا ڤیدیۆیێن وێ دایە، هەكە ئەڤە هوسا بەردەوام بیت چو جوداهی د ناڤبەرا سناپی و یوتیۆبی دا نامینیت.