چاڤی: شەڕێ دەروونی دگەل مە دهێتە كرن
راهێنەرێ یانەیا بەرشەلۆنا یا ئسپانی گازندە ژ دادڤانێن یارییا تیما خوە دگەل گرناتە كرن ئەوا شەڤا دەربازبوو ژ چارچووڤێ گەڕا نەهێ یا خولا ئسپانا لالیگا هاتییە كرن و یاریی ب وەكهەڤی دو گۆلان ب دووماهی هاتی.
چاڤی هێرناندز بۆ رۆژنامەیا مۆندۆ دیپۆرتیڤۆ گۆت: مە كۆنترۆلەكا باش ل سەر یاریێ كربوو و ژ هەژی ئەنجامەكێ باش و سەركەفتی بووین، من هەمی یاریزان ئاگەهداركربوون كو تیما بەرانبەر دێ ب هەمی شێوە گڤاشتنێ ل سەر هەوە كەن و پشتی 30 خولەكان دو گۆل ل سەر تیما مە بوون، بارێ مە گرانتر لێهات نەچاربووین شێوازێ یاریێ د نیڤا دویێ دا ب گوهۆڕین .
هەروەسان گۆت: هەتكبەرییە گۆلا سێیێ نە هاتییە هژمارتن ژبەركو فیران چو خەلتیێن یاسایی نە كربوون و تەبە بەری وی د چوو، د ماوەیێ یاریێ دا دیاربوو دادڤانی شەڕێ دەرۆنی دگەل یاریزانان دكر، دادڤانێ چارێ ئەز ئاگەهداركرم تەپە ب دەستێ تۆرێسی كەفتی لێ پشتێ وێ دیاربوو چو راستی بۆ نینە، هیڤییا من ئەوە ئەڤ خەلەتیە و گڤاشتنا دەرۆنی ل سەر تیما مە دۆبارە نەبیت.
