شەش خووشكا پێكهاتیێ ڤۆلی بۆلا دیالا كۆنترۆل كرییە
جودا ژ وەرزشێن دی دا ل باژێرێ دیالا شەش خووشكێن ئێك شیاینە ب ناڤێ یانەیا ئەلخالص یا پارێزگەها دیالا چەند ئەنجام و دەستكەفتێن باش د یارییا ڤۆلی بۆلێ دا بینن، ئەوا هەر ژ 2016ێ وەرە پێكڤە راهێنان و یارییان ژی دكەن.
ل دووڤ دەزگەهێن راگەهاندنێ هەر ئێك ژ هاجەر، ئیسرا، ئیلاف، ئاسیا، سەفا و مەروا موزهر ئەلداودی بۆ ماوەیێ هەشت سالە دناڤ تیما ڤۆلی بۆلا یانەیا ئەلخالس دا پشكدار قارەمانیێن نافخۆ یێن ئیراقێ بووینە و چەندین ئەنجام و دەستكەفتێن جودا ب دەستڤە ئیناینەـ خووشكا مەزن هاجەر موزهر ئەلداودی دیاركر پێنگاڤا وان یا ئێكێ ل 2016ێ بوو و شایینە چەند دەستكەفتێن جودا ل بەغدا و پارێزگەهێن هەرێمێ ب دەستڤە ئیناینە و دخوازیت دەلیڤە بۆ بهێنە دان دگەل هەلبژارتیێ ئیراقێ پشكداریێ بكەن و شیانین مەزن هەنە، دیار كر هەر مالەكا یاریزانێن كچ هەبن دڤێت پشتەڤانیێ بۆ بكەن ژبەركو شیانێن وێ كێمتر نینن ژ یێن كوڕان.
