یاریزانێ شیشەیی كەفتیە ل بەر مەزنترین پێلا هنگافتنان
ستێرێ بەرازیلی و یاریزانێ یانەیا هیلال یا سعۆدیێ نەیمار دا سیلڤا دهێتە نیاسین ب یاریزانێ شیشەیی، ژبەر ئەوان رێژەیا مەزن یا هنگاڤتنان د دەمێ راهێنانان و یارییان تووش بوویی.
د دووماهی هنگاڤتنا نەیماری ل حەفتییا بۆری بوو ژ چارچووڤەیێ ڤاڤارتنێن مۆندیالا جیهانی 2026ێ ب درێسێ هەلبژارتیێ بەرازیلێ بەرانبەر هەلبژارتیێ ئۆرۆگۆایی بوو، ل دووڤ نۆژدارێ هەلبژارتیێ سامپا دیت نەیمار بۆ ماوەیێ پێنچ هەیڤان بهێتە دووركرن دەرئەنجامێ نەشتەرگەریەك بۆ پێی وی بهێتە كرن.
ل دووڤ لژنەیا ئاماران یا فیدراسیۆنا تەپا پێی یا جیهانی فیفا، د كاروانێ خوە یێ وەرزشی دا نەیمار دا سیلڤا 30 جاران تووشی هنگاڤتنێ بوویە كو بوو ئەگەرێ وێ زێدەتری 900 رۆژان ژ یاریگەهان دووركەڤیت ژ وانا د مۆندیالێن 2014-2018-2022ێ، ئێكەم هنگاڤتنا وی دگەل بەرشەلۆنا بوو ل سالا 20214ێ، هەر دهەمان یانە دا 10 جاران تووشی هنگاڤتنێ بوویە نێزیكی 147 رۆژان ژ یاریگەهان دووركەفت بوو، پشتی نەیمار چوویە دناڤ رێزێن یانەیا پاریس سانجێرمان یا فرەنسی دا ل 2017ێ، ئێكەم هنگاڤتن ل21ێ چرییا ئێكێ یا هەمان سال تووش بوویی، سەرجەمێ هنگاڤتنێن وی دگەل پاریسێ بوونە 21 جاران و 130 رۆژان ژ یاریگەهان دووركەڤت، ل مێركاتۆیا هاڤینا بۆری نەیماری گرێبەستا هیلال یا سعۆدیێ ئیمزاكر لێ ژ هنگاڤتنان قۆرتال نەبوو، بەلكو ئەڤە بۆ جارا دویێ یە دگەل یانەیا سعۆدیێ تووشی هنگاڤتنێ دبیت.
