شەڤین حەز دكەت رۆلێن كەسایەتیێن خراب ب گێڕیت
شەڤین جڤاك، ئەكتەرا بەرنیاسا باكورێ كوردستانێ دیدارەكێ دا ب بەرپەرێ هونەری یێ رۆژنامەیا ئەڤرۆ گۆت: نوكە ماموستامە ل قوتابخانەكا تایبەت ل ئامەدێ و زارۆكێن ژیێ دەه سالی هەتا هەژدە سالی فێری شانویێ دكەم و شانویان ئامادەدكەم ژ بۆ قوتابخانێ و هەروەسا نوكە دو فلمێن توركی دوبلاژ دكەین بۆ زمانێ كوردی و نوكە ل تیڤیێ دهێتە نیشاندان و دیسان كارەكی ژی بۆ كەنالێ وارتیڤی دێ كەین.
شەڤینێ گۆت: د شانویان دا هەتا نوكە رولێ دایكان من گێراینە یێن باش، بەلێ حەزدكەم رولێن كەسایەتێن خراب ژی ب گێرم و دبینم رولەكێ وەسا بگێرم دێ پتر یا سەركەفتی بم و ڤی كاری دكەم، ژبەركو گەلەك حەزژ شانویێ دكەم و دەمێ من دخاندن ل ستەمبوولێ من گەلەك حەز ژ زارڤەكرنێ كر ب تایبەتی ژی دوارێ زارڤەكرنا ژنێن كوردا كێماسیەك هەیە، لەورا من ڤیایە ئەوێ ڤالاهیێ پربكەم ب شانویێ و فلمان، ژبلی كارێ زارڤەكرنێ ماموستامە و گەلەك حەزژ تێكەلییا زارۆكان دكەم و ل گەل ئەوان بژیم و شانازیێ پێدكەم، بەلێ تشتێ بۆ من گرنگ شانوییە و پتر حەزژێدكەم و دكارێ شانویێ دا من چ ئاستەنگ نەبووینە بەلكو بەروڤاژی مالباتا من گەلەك هاریكارو پشتەڤانێت من بووینە، بەلێ هندەك جاران دەمێ مە شانو دگێران حكومەتێ بۆ مە نەخوەش دكرو ئاستەك بۆ مە چێدكرن و بزاڤ دكر ئەو شانوگەریە نەهێنە نیشادان، بەلێ ئەو چەندە بۆ من نە بوو ترس و ب مخابنی ڤە حكومەتا توركی ناهێلیت چاند و هونەرێ كوردی پێشبكەڤیت.
شەڤینێ زێدەتر گۆت: هونەرێ باشورو باكور وەكو ئێكە و نابیتە دەرگەهەك هونەرمەند خوە پێ خودان بكەت و ئەز ل گەل هەڤالێن خوە كارەكێ دیژی دكەین ژبلی هونەری و هەكە مرۆڤ ئێك كاربكەت دبیت هندەك ئاریشە بۆ مرۆڤی چێبن هەمبەری ژیانێ .
