عه‌بادى: چ ئێخسیرێن شه‌رێ ئیران و عیراقێ نه‌ماینه ساخ
ئه‌ڤرۆ:
حوكمه‌تا عیراقێ ئاشكرا دكه‌ت كو چ ئێخسیره‌كێ شه‌رێ ئیران و عیراقێ د ژیانێ دا نه‌ماینه.
حه‌یده‌ر عه‌بادى سه‌رۆك وه‌زیرێن عیراقێ د كومبوونا رۆژا 1 ئادارێ ل گه‌ل فراكسیونێن كوردستانى ل باژێرێ به‌غدا ئاشكرا كر كو چ ئێخسیره‌كێ شه‌رێ 8 سالێن عیراق و ئیرانێ نه‌ماینه ساخ، هه‌تا كو لێك بگوهۆرن.
موسه‌ننا ئه‌مین سه‌رۆكێ فراكسیونا یه‌كگرتوول په‌رله‌مانێ عیراقێ بۆ رووداو راگه‌هاند كو وان د وێ كومبوونێ دا داخواز ژ عه‌بادى كر كو چاره‌نڤیسێ سه‌ربازێن ئێخسیر یێن شه‌رێ عیراق و ئیرانێ ئاشكرا بكه‌ت، به‌لێ عه‌بادى دیاركر كو كه‌س نه‌مایه ساخ.
شه‌رێ هه‌شت سالان یێ عیراق و ئیرانێ كو 1980 هه‌تا 1988 یێ به‌رده‌وام بوو و ل دووڤ ژێده‌رێن ده‌نگوباسان سه‌دان هزار كه‌س هاتینه كوشتن و ل دووڤ ئاخافتنا عیراقێ 70 هزار سه‌ربازێن وان ئێخسیر بووینه و ئیران ژى دبێژیت 60 هزار و 711 كه‌س ب ئێخسیر یێن هاتینه گرتن.
