دەستپێكەكا خراب بۆ زاخۆ و هەولێرێ و نەورۆزێ ئاگرێ خوە ل سەر زەورا هەلكر
هەرسێ یانەیێن كوردستانی زاخۆ، هەولێر و نەورۆز ئەنجامێن جودا یێن دەستپێكا وەرزێ نوو 2023-2024ێ ب خوسارەتی، وەكهەڤی و سەركەفتن ب دەستڤە ئینان، د یاریێن واندا ئەوا ل ئەینییا بۆری ژ چارچووڤێ یاریێن گەڕا ئێكێ یا خولا ستێرێن ئیراقێ هاتییە كرن.
ل یاریگەها كۆت یانەیا زاخۆ دگەل یانەیا جەوییە خودانا رێزا دویێ یا وەرزێ بۆری تووشی ئێكەم خوسارەتی ژ دەرڤەیی یاریگەها خوە بوو ب دو گۆلان بەرانبەر گۆلەكێ، هەردو گۆلێن جەوییە ژلایێ سەعەد عەبدولئەمیر و ئەیمەن حسێن ل خولەكێن 53 و 58ێ تۆماركرن گۆلا زاخۆ ژلایێ پیشەكارێ خوە یێ بەرازیلی گۆستاڤۆ هنریك د خولەكا63ێ ئینا.
ژ لایێ خوەڤە یانەیا هەولێرێ نەشیا سەركەفتنا خوە پارێزیت پشتی دگەل مێڤانا خوە یانەیا نەفت یا بەغدایی ب گۆلەكێ وەكهەڤبووین، د یارییا واندا ئەوا ل یاریگەها شەهید فرانسۆ حەریری هاتییە كرن گۆلا هەولێرێ ژلایێ شێركۆ كەریم ڤە هاتە تۆماركرن، د بەرانبەر دا یانەیا نەورۆز شیا سەركەفتنەكا گرنگ ل سەر یانەیا زەورا یا بەغدایی بینت ب دو گۆلان بێ بەرانبەر، هەردو گۆل ژلایێ یاریزانان ستار یاسین و محەمەد سامی.
ژ ئەنجامێن یاریێن دی، ئەمانەت بەغدا چنە-1 ئەلقاسم، حدود 2- 1 نەفت ئەلبەسرا، نەجەف چنە- چنە نەفت ئەلمیسان، كەربەلا 2-2 نەفت ئەلوەسەت، مینا 1-3 كارەبا.
