48 سەرپەرشتیار و 127 دادڤان دێ پشكداری وەرزێ نوو یێ كوردستانێ بن
بڕیارە چارشەمبییا بهێت وەرزێ نوو یێ خولا پلا نایابا كوردستانێ یا تەپا پێی ب پشكدارییا 16 یانەیان بهێتە ئەنجامدان، فیدراسیۆنا تەپا پێی یا هەرێما كوردستانێ پلان و بەرنامە یێن خوە بۆ هەمی چالاكییان داناینە ژ وانا هژمارەیا سەرپەرشتیار و دادڤانێن یارییان ب ڕێڤە دبەن.
ئازاد محەمەد ئەندامێ فیدراسیۆنا تەپا پێی یا هەرێما كوردستانێ بۆ رۆژنامەیا ئەڤرۆ گۆت: ل دووڤ بەرنامەیێ سالانە و بەری دەستپێكرنا وەرزێ نوو یێ چالاكیێن خولا كوردستانێ 127 دادڤانێن هێلا ناڤەراست و یێن هاریكار دێ پشكداری خولێن جودا بن پشتی كەڤتینە د تاقیكرنێن تیۆری و پراكتیكی دا، 51 دادڤانێن ناڤەراست یێن پلا ئێك و دو، دیسان 76 دادڤانێن هاریكارن.
هەروەسان ناڤهاتی دیار كر پشتی ژلایەكێ دووڤە ناڤهاتی گۆت: ئەڤرۆ دێ 48 سەرپەرشتیارێن یاریێن خولا پلا نایاب، ئێك، دو و فۆتسالێ تاقیكرنان بۆ وەرزێ نوو كەن ژ وانا شەش یێن پارێزگەها دهۆكێ نە و گۆت: وەرزێ ئەڤ سالە ب سۆپاسی ڤە ب پشتەڤانییا بەرێز مەسرور بارزانی سەرۆكێ حوكمەتا هەرێما كوردستانێ بۆ فیدراسیۆنا تەپا پێی هاتیە كو ب دو قۆناغان و سەرجەمێ وان كۆژمەیێ 854 ملیۆن دیناران پشتەڤانییا دارایی بۆ كار و چالاكیێن مە كرییە.
بۆ زانین خولا پلا ئێك 15 چڕیا ئێكێ یا بهێت ژڤانێ دەستپێكرنا هەڤڕكیێن خولێ یە، هەردیسان بۆ خولا فوتسالێ ل سەر ئاستێ كچان بڕیارە ل 15 كانوونا بهێت دەستپێبكەت، ژ پارێزگەها دهۆكێ 31 دادڤان پشكدارن ژ وانا 10 یێن ناڤەڕاست و 21 دادڤانێن هاریكارن.
