هاتنا پیشەكارێن بەرازیلی و راهێنەرێن عەرەب سەرنجراكێشا خولا ئیراقێ
بۆ جارا ئێكێ د دیرۆكا خوە دا وەرزێ نوو یێ خولا ئیراقێ ب شێوەكێ نوو و ناڤێ خولا پیشەكاران دهێتە بڕێڤەبرن كو قۆناغەكا نوویە دێ ب سەرپەرشتییا دەستەكا لالیگا یا ئسپانی ل دووڤ رێكەفتنا پێنج سالی بەردەوامبیت، بۆ وەرزێ نوو چەند گوهۆڕین هەبوون ژ وانا سیستەمێ رێپێدانا ئاسیایی و سیستەمێ ڤار كو بوو ئەگەر هاتنا راهێنەر و یاریزانێن پیشەكار زێدەتر لێبكەت.
پرانییا یانەیێن ئیراقێ بۆ وەرزێ نوو چەندین گرێبەستێن باش دگەل یاریزانێن پیشەكار یێن وەلاتێن بیانی ئیمزاكرینە، پیشەكارێن بەرازیلی پشكا شێری بۆ كەڤتیە، یانەیا زاخۆ گرێبەستا پێنچ یاریزانێن بەرازیلی ئیمزاكریە ئەوژی گۆستاڤۆ، كایۆ، ریباس، سۆزا و پاتریك، نەفت ئەلبەسرا ژی پێنچ یاریزانێن بەرازیلی بوون، هەروەسان هەر ئێك ژ یانەیا تەلەبە، هەولێر، شورتە و مینا یاریزانەكێ بەرازیلی بەركەفتیە.
ل سەر ئاستێ راهێنەرێن عەرب، هەر ئێك ژ یێ قەتەری تەلال ئەلبلۆشی بۆ یانەیا زاخۆ، یێ تۆنسی شەهاب ئەلێلی بۆ شورتە یێ مسری حوسام ئەلبەدری بۆ زەورا، یێ مسری حەزە ئەلجەملی بۆ نەجەف و یێ ئوردنی هەیسەم ئەلشبۆلی بۆ نەفت میسان، ژلایەكێ دووڤە تەكنۆلۆژیا ڤیدیۆیا ڤارێ بۆ ئێك ژ سەرنجراكێشا خولا ئیراقێ كو جارا ئێكێ د دیرۆكا خوە دا دهێتە ب كارئینان.
