دەلیڤەكا باشتر بۆ یانەیێن كوردستانێ هاتە دان
فیدراسیۆنا تەپا پێی یا كوردستانێ د دووماهی كۆمبوونا خوە یا ڤێ حەفتیێ دا چەند بڕیار و راسپاردەیێن نوو دەركرن ژ وانا پاشئێخستنا وەرزێ نوو یا خولا پلا ئێك و دیاركرنا چالاكیێن دی ل سەر ئاستێ ژیێن جودا.
ئازاد محەمەد ئەندامێ فیدراسیۆنا تەپا پێی یا كوردستانێ بۆ رۆژنامەیا ئەڤرۆ گۆت: د كۆمبوونا ئەڤچارە دا بڕیار هاتە دان وەرزێ نوو یێ خولا پلا ئێكا كوردستانێ ژ 15ێ بۆ 23 ڤێ مەهێ پاشئێخست وەكو دەلیڤەیەك و زێدەتر یانەیێن پشكدار خوە بەرهەڤبكەن بۆ وەرزێ نوو یا خولا پلا ئێك و پشككێشان دێ ل شەمبییا بهێت هێتە كرن و هەر یانەكێ مافێ هەیی بتنێ دو نوونەرێن خوە فرێكەت، هەروەسان بڕیار هاتیە دا بۆ وەرزێ نوو خولا لاوان ل بن ژیێ20 سالی ناڤەراستا شوباتا سالا 2024ێ بهێتە ئەنجامدان و دڤێت یاریزان ژدایكبوویێ 2005 و سەر دا بیت.
ژلایەكێ دووڤە ناڤهاتی دیار كر بۆ ئاستێ تازەپێگەهشتییان د ژیێ ل بن18 سالی دا وەرزێ نوو دێ ل ناڤەراستا ئادارا سالا بهێت دەستپێكەت و یاریزان دڤێت ژ 2007ێ و سەر دا بیت ژبۆ پشكداریێ دگەل تیمێ و گۆت: هەر ژ بڕیارێن هاتینە دا دێ تاقیكرنەك بۆ دادڤانێن فوتسالێ ل دەستپێكا كانوونا بهێت ل هەولێرا پایتەخت هێتە ئەنجامدان و هەروەسان ئەو تاقیكرنێن ل حەفتییا بۆری بۆ سەرپەرشتیارێن یارییان هاتینە ئەنجامدان ب گشتی هاتنە پەسەندكرن وەكو سەركەفتی و دێ پشكداری ب رێڤەبرنا یارییان دا كەن.